ବଲିଉଡର ଜଣେ ଅଭିନେତାଙ୍କ ଘରକୁ ଆସିଲା ଖୁସିର ଖବର । ତାଙ୍କ ଘରେ ଖେଳିଯାଇଛି ଖୁସିର ଲହର । ଅଭିନେତା ବରୁଣ ଧାୱନ ଏବଂ ତାଙ୍କ ପତ୍ନୀ ନତାଶା ଦଲାଲଙ୍କ ଘରେ ଖୁସିଆସୁଛି। ତାଙ୍କ ବାହାଘରର 3 ବର୍ଷ ପରେ ଉଭୟ ପ୍ରଥମ ଥର ପାଇଁ ଗୋଟିଏ ଝିଅର ବାପାମାଆ ହୋଇଛନ୍ତି। ସାରା ଦେଶର ଫ୍ୟାନ୍ସ ମାନେ ଏହି ଯୋଡିଙ୍କୁ ଶୁଭେଚ୍ଛା ଜଣାଉଛନ୍ତି ଏବଂ ଘରେ ଲକ୍ଷ୍ମୀଙ୍କୁ ସ୍ୱାଗତ ପରେ ଅଭିନେତାଙ୍କ ଖୁସି କହିଲେ ନ ସରେ।

ବରୁଣ ଧାୱନ ଏବଂ ନତାଶା ପ୍ରଥମ ଥର ପାଇଁ ବାପାମାଆ ହୋଇଥିବାରୁ ବରୁଣ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରୁ ଏକ ସୁନ୍ଦର ଭିଡିଓ ହେୟାର କରିଛନ୍ତି। ଭିଡିଓ ଶେୟାର କରିବାବେଳେ ଅଭିନେତା ଲେଖିଛନ୍ତି, 'ଆମ ଝିଅ ରାଣୀର ଆଗମନ ହୋଇଛି'।

ବରୁଣ ଧାୱନ ଆହୁରି ଲେଖିଛନ୍ତି, “ମା’ ଏବଂ ଝିଅ ପାଇଁ ପଠାଇଥିବା ସମସ୍ତ ଶୁଭେଚ୍ଛା ପାଇଁ ଆପଣମାନଙ୍କୁ ଧନ୍ୟବାଦ। ଏହା ପରେ ସେ ‌ଈଶ୍ୱରଙ୍କୁ ଧନ୍ୟବାଦ ଜଣାଇ ଲେଖିଛନ୍ତି, “ହରେ ରାମ ହରେ ରାମ, ରାମ ରାମ ହରେ ହରେ ହରେ କୃଷ୍ଣ ହରେ କୃଷ୍ଣ କୃଷ୍ଣ କୃଷ୍ଣ ହରେ ହରେ”। ବରୁଣଙ୍କ ଏହି ପୋଷ୍ଟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ବରୁଣ ଧାୱନ ଏପର୍ଯ୍ୟନ୍ତ ତାଙ୍କ ଝିଅର ନାମ ପ୍ରକାଶ କରିନାହାଁନ୍ତି। ସେ ତାଙ୍କ ପୋଷ୍ଟରେ 'ବେବି ଧାୱନ' ଲେଖିଛନ୍ତି। ବର୍ତ୍ତମାନ ପ୍ରଶଂସକମାନେ ଉତ୍ସାହର ସହ ବରୁଣ ଧାୱନଙ୍କ ଝିଅର ନାଁ ଜାଣିବାକୁ ଚାହାଁନ୍ତି। କିଛି ପ୍ରଶଂସକ ବରୁଣଙ୍କୁ ତାଙ୍କ ଝିଅର ଚେହେରା ଦେଖେଇବାକୁ ମଧ୍ୟ କହୁଛନ୍ତି। ବରୁଣ ତାଙ୍କ ସ୍କୁଲ୍ ବେଳର ପ୍ରେମିକା ନତାଶାଙ୍କୁ ବିବାହ ହୋଇଥିଲେ।

ସେହିପରି ସାଉଥ୍ ସିନେମା ଷ୍ଟାର୍ ଶିବକାର୍ତ୍ତିକେୟନ ଏବଂ ତାଙ୍କ ପତ୍ନୀ ଆରତୀ ପୁଅ ଭାବେ ସେମାନଙ୍କର ତୃତୀୟ ସନ୍ତାନକୁ ସ୍ୱାଗତ କରିଛନ୍ତି। ଅଭିନେତା ନିଜେ ଏହି ଖୁସି ଖବରକୁ ସୋସିଆଲ୍ ମିଡିଆ X ରେ ପ୍ରଶଂସକଙ୍କ ସହ ଶେୟାର କରିଛନ୍ତି। ସେ ହ୍ୟାସ୍‌ଟ୍ୟାଗ୍‌ ଦେଇ ଲେଖିଛନ୍ତି, 'ଏକ ସନ୍ତାନ ପାଇଁ ଧନ୍ୟ'।

ଶିବକାର୍ତ୍ତିକେୟନ ତାଙ୍କ ପୋଷ୍ଟରେ ଲେଖିଛନ୍ତି, “ସମସ୍ତ ପ୍ରିୟଜନ, ଜୁନ୍ ୨ରେ ଜନ୍ମ ହୋଇଥିବା ଆମ ସନ୍ତାନଙ୍କୁ ସ୍ୱାଗତ କରି ଆମେ ଖୁସିରେ ନାଚୁଛୁ। ଆମ ପରିବାର ଟିକିଏ ଆଗକୁ ବଢିଛି ଏବଂ ଆମେ ସମସ୍ତେ ବହୁତ ଖୁସି। ସବୁଥର ପରି, ଆମର ଆପଣ ସମସ୍ତଙ୍କ ପ୍ରେମ, ସମର୍ଥନ ଏବଂ ଆଶୀର୍ବାଦ ଆବଶ୍ୟକ।”

ଅଧିକା ପଢନ୍ତୁ:ବଲିଉଡରୁ ଆସିଲା କଙ୍ଗନାଙ୍କ ପାଇଁ ଖୁସି ଖବର