ଭୁବନେଶ୍ୱର: ହଲରେ ରାଜ କରୁଛି ମାଲାୟାଲାମ ଆକ୍ସନ ଥ୍ରୀଲର 'L2 ଏମ୍ପୁରନ୍' । ଲଗାତାର ଆଜି ନବମଦିନରେ ସିନେମା ହଲରେ ଭିଡ଼ ପରିଲକ୍ଷିତ ହେଉଛି । ସାକନିକ ଅନୁଯାୟୀ ନବମ ଦିନରେ ସାରା ଭାରତରେ ଏହା ୨.୯ କୋଟି ଆୟ କରିଛି । ନିଜର ଘରୋଇ ମାର୍କେଟରେ ସିନେମାଟି ପ୍ରଥମ ସପ୍ତାହରେ ୮୮.୨୫  କୋଟି ଟଙ୍କାର ବ୍ୟବସାୟ କରିଥିଲା । ନଅଦିନ ମଧ୍ୟରେ ସାମଗ୍ରିକ ଆୟ ୯୧.୧୫ କୋଟିରେ ପହଞ୍ଚିଛି ।

୧୮୦ କୋଟି ଟଙ୍କା ବ୍ୟୟରେ ନିର୍ମିତ ଏହି ସିନେମାଟି, ପ୍ରଥମ ମାଲାୟାଲାମ ସିନେମା ହିସାବରେ, ସର୍ବଭାରତୀୟ ସ୍ତରରେ ପ୍ରଥମ ଦିନରେ ହିଁ ୨୧ କୋଟି ଟଙ୍କାର ବ୍ୟବସାୟ କରିଥିଲା । ଏହାର ତେଲୁଗୁ, ତାମିଲ ଓ ହିନ୍ଦୀ ଅନୁବାଦ ସିନେମା ଗୁଡିକ ମଧ୍ୟ ବହୁ ଦର୍ଶକଙ୍କୁ ଥିଏଟର ପର୍ଯ୍ୟନ୍ତ ଟାଣି ଆଣୁଛି । 

ଏହି ସିନେମାଟି ବିଦେଶରେ ମଧ୍ୟ ଭଲ ପ୍ରଦର୍ଶନ କରୁଛି । ପ୍ରଥମ ସପ୍ତାହରେ ଏହା ଉତ୍ତର ଆମେରିକାରେ୨.୪ ମିଲିଅନ ଡଲାର ଆୟ କରିଥିଲା । ଚଳଚ୍ଚିତ୍ରଟି ବିଦେଶରେ ସମୁଦାୟ 30କୋଟି ଟଙ୍କା ଆୟ କରିଥିବା ନେଇ ଏହି ଚଳଚ୍ଚିତ୍ରର ନିର୍ମାତା ମାନେ ସାମାଜିକ ଗଣମାଧ୍ୟମ X ଜରିଆରେ ସୂଚନା ଦେଇଛନ୍ତି ।

ଏହି ସିନେମାରେ ମାଲାୟାଲାମ ସୁପରଷ୍ଟାର ମୋହନଲାଲଙ୍କ ସହ ପ୍ରଖ୍ୟାତ ଅଭିନେତା ପୃଥ୍ୱୀରାଜ ସୁକୁମାରନ ସିନେମାରେ ମୁଖ୍ୟ ଭୂମିକା ଗ୍ରହଣ କରିଛନ୍ତି ।