ଭୁବନେଶ୍ୱର: ଗତବର୍ଷ ଆମୀର ଖାନଙ୍କ ପୁଅ ଜୁନୈଦ ଖାନଙ୍କ ସହ 'ମହାରାଜ'ରେ ନଜର ଆସିଥିବା ଶାଲିନୀ ପାଣ୍ଡେ ପୁଣି ଥରେ ଖବରର ଶିରୋନାମାରେ। ଏହି ଅଭିନେତ୍ରୀ ୨୦୧୭ ମସିହାରେ ବିଜୟ ଦେବରକୋଣ୍ଡାଙ୍କ ବିପକ୍ଷରେ 'ଅର୍ଜୁନ ରେଡ୍ଡୀ' ଚଳଚ୍ଚିତ୍ର ମାଧ୍ୟମରେ ଡେବ୍ୟୁ କରିଥିଲେ। ଶାଲିନୀ ତାଙ୍କର ପ୍ରଥମ ଚଳଚ୍ଚିତ୍ରରେ ହିଁ ତାଙ୍କର ଚମତ୍କାର ଅଭିନୟ ଦ୍ୱାରା ଦର୍ଶକଙ୍କ ହୃଦୟରେ ଏକ ଛାପ ସୃଷ୍ଟି କରିବାରେ ସଫଳ ହୋଇଥିଲେ, କିନ୍ତୁ ବଲିଉଡରେ ସଫଳତା ପାଇବା ପାଇଁ ଅଭିନେତ୍ରୀଙ୍କୁ ବହୁତ ସମୟ ଲାଗିଥିଲା। ଗତବର୍ଷ "ମହାରାଜ"ରେ ତାଙ୍କର ଚମତ୍କାର ପ୍ରଦର୍ଶନ ପରେ ଶାଲିନୀ ପାଣ୍ଡେ ପୁଣି ଥରେ ଚର୍ଚ୍ଚାରେ ଅଛନ୍ତି। ଏଥର ସେ କେବଳ ତାଙ୍କ ଅଭିନୟ ପାଇଁ ନୁହେଁ ବରଂ ଆଲିଆ ଭଟ୍ଟଙ୍କ ସହ ତୁଳନା ପାଇଁ ମଧ୍ୟ ଖବରର ଶିରୋନାମା ପାଲଟି ଯାଇଛନ୍ତି।

ନିକଟରେ, ଶାଲିନୀ ପାଣ୍ଡେ ଆଲିଆ ଭଟ୍ଟଙ୍କ ସହ ତୁଳନା ଉପରେ ତାଙ୍କର ନୀରବତା ଭାଙ୍ଗିଛନ୍ତି। ଅଭିନେତ୍ରୀ କହିଛନ୍ତି ଯେ ସେ ଆଲିଆଙ୍କ ସହ ତୁଳନା କରିବାକୁ ଚାହାଁନ୍ତି ନାହିଁ। ସେ କେବଳ ଶାଲିନୀ ପାଣ୍ଡେ ଭାବରେ ଲୋକଙ୍କ ମଧ୍ୟରେ ନିଜର ପରିଚୟ ପ୍ରତିଷ୍ଠା କରିବାକୁ ଚାହୁଁଛନ୍ତି। ଏହା ସହିତ, 'ଅର୍ଜୁନ ରେଡ୍ଡୀ' ଫେମ୍ ଅଭିନେତ୍ରୀ କହିଛନ୍ତି ଯେ ସେ କୌଣସି ଗୋଟିଏ ପ୍ରକାରର ଛାଞ୍ଚରେ ଫିଟ୍ ହେବାକୁ ଚାହାଁନ୍ତି ନାହିଁ।

‘ମୁଁ ଆଲିଆ ଭଟ୍ଟ ହେବାକୁ ଚାହୁଁନାହିଁ’

ଶାଲିନୀ କହିଛନ୍ତି, 'ଜଣେ ଆଲିଆ ଅଛନ୍ତି ଆମକୁ ଆଉ ଏକ ଆଲିଆର ଆବଶ୍ୟକତା ନାହିଁ’, କାରଣ ଆଲିଆ ବହୁତ ଭଲ । କେବଳ ତାଙ୍କ ଚଳଚ୍ଚିତ୍ର ପାଇଁ ନୁହେଁ ସେ ବ୍ୟକ୍ତିଗତ ଭାବରେ ମଧ୍ୟ ବହୁତ ଭଲ,ମୁଁ ତାଙ୍କର ଅନେକ ପ୍ରଶଂସା କରେ। ଆଲିଆଙ୍କ ସହ ତୁଳନା ଉପରେ ସେ ଆହୁରି କହିଛନ୍ତି, ମୁଁ ମୋର ନିଜସ୍ୱ ପରିଚୟ ସୃଷ୍ଟି କରିବାକୁ ଚାହୁଁଛି। ମୁଁ ଚାହେଁ ଯେ ଲୋକମାନେ ମୋତେ ଶାଲିନୀ ଭାବରେ ଦେଖନ୍ତୁ ।

'ମହାରାଜ' ଫେମ୍ ଅଭିନେତ୍ରୀଙ୍କ ସ୍ପଷ୍ଟୀକରଣ ସତ୍ତ୍ୱେ, ସୋସିଆଲ ମିଡିଆ ୟୁଜର୍ସ ମାନେ ତାଙ୍କୁ ଆଲିଆଙ୍କ ସହ ତୁଳନା କରୁଛନ୍ତି। ନେଟିଜେନ ମାନେ ସେମାନଙ୍କ ମନ୍ତବ୍ୟରେ ଦାବି କରିଛନ୍ତି ଯେ ଶାଲିନୀ ପାଣ୍ଡେ ଏବଂ ଆଲିଆ ଭଟ୍ଟଙ୍କ ସ୍ୱର ବହୁତ ସମାନ। ଜଣେ ୟୁଜର ଅଭିନେତ୍ରୀଙ୍କ ପୋଷ୍ଟରେ କମେଣ୍ଟ କରି କହିଛନ୍ତି ଯେ ତାଙ୍କର ଡିମ୍ପଲ୍ସ ଏବଂ ସ୍ୱର ଆଲିଆଙ୍କ ସହ ବହୁତ ସମାନ। ଏହି ସମସ୍ତ ଆଲୋଚନା ଉପରେ ନିଜର ମତ ପ୍ରକାଶ କରି ଶାଲିନୀ କୁହନ୍ତି ଯେ ସେ ନିଜର ପରିଚୟ ସୃଷ୍ଟି କରିବାକୁ ଚାହାଁନ୍ତି। ସେ କେବଳ ଜଣେ ତାରକାଙ୍କ ପରି ଦେଖାଯାଉଥିବା ବ୍ୟକ୍ତି ଭାବରେ ପ୍ରସିଦ୍ଧ ହେବା ନୁହେଁ, ବରଂ ତାଙ୍କ ଅଭିନୟ ଦକ୍ଷତା ଆଧାରରେ ନିଜର ଏକ ନାମ କମାଇବାକୁ ଚାହାଁନ୍ତି।