ପିତା ମାତାଙ୍କ ପରେ ଅଙ୍କୁର ହିଁ ସତ୍ୟାର ସବୁକିଛି। ଅଂକୁର ପାଇଁ ସତ୍ୟା ଯେକୌଣସି ସୀମା ଲଙ୍ଘି ପାରେ, କୌଣସି ବି ସ୍ତରକୁ ଖସି ପାରେ ଓ ଯେକୌଣସି ବିପଦକୁ ଆପଣେଇ ପାରେ। କାରଣ ଅଙ୍କୁର ହିଁ ସତ୍ୟାର ଏକମାତ୍ର ଭାଇ ଓ ତା'ପାଇଁ ସେ ଦୁନିଆର ସବୁ ଖୁସିକୁ ବି ଜଳାଞ୍ଜଳି ଦେବାକୁ ପ୍ରସ୍ତୁତ। ଏପରି ଏକ କାହାଣୀ ନେଇ ରିଲିଜ ହେବାକୁ ଯାଉଛି ଆଲିଆ ଭଟ୍ଟଙ୍କ ଅଭିନୀତ 'ଜିଗ୍ରା'। ଗୁରୁବାର ଏହାର ଟ୍ରେଲର ମୁକ୍ତିଲାଭ କରିଛି। ଆସନ୍ତା ଦଶହରା ଅବସରରେ ଅକ୍ଟୋବର ୧୧ ତାରିଖରେ 'ଜିଗ୍ରା' ପ୍ରେକ୍ଷାଳୟକୁ ଆସିବ। 

ଟ୍ରେଲରରେ ଆଲିଆ ଭଟ୍ଟଙ୍କ ଗମ୍ଭୀର ତଥା ସ୍ନେହମୟୀ ଭଉଣୀ ଅବତାର ଦର୍ଶକଙ୍କୁ ଖୁବ ମନ୍ତ୍ରମୁଗ୍ଧ କରିବ। ଜେଲ ଯାଇଥିବା ନିଜ ଭାଇଙ୍କୁ ସତ୍ୟା ବିଭିନ୍ନ ପ୍ରତିକୂଳ ପରିସ୍ଥିତି ଡେଇଁ ବଞ୍ଚାଇଵାକୁ ନିଜ ଜୀବନ ବାଜି ଲଗାଉଥିବା ଟ୍ରେଲରରେ ଦେଖିବାକୁ ମିଳିଛି। କାହାଣୀଟି ଯଥେଷ୍ଟ ମାତ୍ରାରେ ଦର୍ଶକଙ୍କୁ ସସ୍ପେନ୍ସ ସହ ଭାଇ-ଭଉଣୀର ସ୍ନେହ ଓ ଅତୁଟ ବନ୍ଧନ ଦର୍ଶକଙ୍କ ଆଖିରେ ଲୁହ ଭରିଦେବ। ଭାସନ ଵାଲାଙ୍କ ନିର୍ଦେଶିତ ଏହି ସିନେମାରେ ଆଲିଆ ଭଟ୍ଟଙ୍କ ସହିତ ଅଙ୍କୁର ଭୂମିକାରେ ବେଦାଙ୍ଗ ରାଇନାଙ୍କୁ ପରଦାରେ ଦେଖିବାକୁ ମିଳିବ। ଏହା ସହ ମନୋଜ ପାହ୍ୱା, ଆଦିତ୍ୟ ନନ୍ଦ ଓ ୟୁବରାଜ  ଭିଜନ ପ୍ରଭୃତିଙ୍କୁ ଗୁରୁତ୍ୱପୂର୍ଣ୍ଣ  ଭୂମିକାରେ ଦେଖିବାକୁ ମିଳିବ।  

ସୂଚନାଯୋଗ୍ୟ ଗତ ସେପ୍ଟେମ୍ବର ୮ ତାରିଖରେ 'ଜିଗ୍ରା'ର ଟିଜର ରିଲିଜ ହୋଇଥିଲା। ଟିଜରରେ ଆଲିଆ ଭଟ୍ଟଙ୍କ ଅଭିନୟକୁ ଖୁବ ପ୍ରଶଂସା ମିଳିଥିଲା।