ଭଦ୍ରକ: ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ଅନ୍ତର୍ଗତ ନପଙ୍ଗ ଗାଁରେ ସଶସ୍ତ୍ର ଡକାୟତି ହୋଇଛି । ଡକାୟତମାନେ ଘର ଲୋକଙ୍କୁ ଆକ୍ରମଣ କରିବା ସହିତ ଘରୁ ଟଙ୍କା ସୁନା ଲୁଟିନେଇଛନ୍ତି । ପ୍ରାୟ ୬ ଜଣ ଦୁର୍ବୁତ ଏଭଳି କରିଥିବା ଜଣାପଡ଼ିଛି । ଗାଁର ମାଧବ ସେଠୀଙ୍କ ଘରୁ ଏହି ଚୋରି ହୋଇଛି । 

ଗତକାଲି ବିଳମ୍ବିତ ରାତିରେ ପ୍ରାୟ ୬ ଜଣ ଡକାୟତ ମୁହଁରେ ମାଧବ ସେଠୀଙ୍କ ଘରକୁ ପଶିବାକୁ ଉଦ୍ୟମ କରିଥିଲେ । ପ୍ରଥମେ ଘର ବାହାରେ ଥିବା କୁକୁଡ଼ା ଭାଡ଼ିକୁ ଖୋଲି ଦେଇଥିଲେ । ଏହା ପରେ କୁକୁଡ଼ାଗୁଡ଼ିକ ବାହାରକୁ ପଳାଇ ଆସି ଜୋରରେ ବୋବାଇଥିଲେ । ପରିବାର ଲୋକ କୁକୁଡ଼ାଙ୍କ ଶବ୍ଦ ଶୁଣି ଘରୁ ବାହରକୁ ଆସିବାବେଳେ ଚୋରମାନେ ଛୁରୀରେ ଆକ୍ରମଣ କରି ଘରେ ପଶିଥିଲେ । ଏପରିଭାବେ ପରିବାର ଲୋକଙ୍କୁ ଭୟଭୀତ କରି ସୁନା ଗହଣା ଓ ଟଙ୍କା ପଇସା ନେଇ ଫେରାର ହୋଇଯାଇଥିଲେ । 

ଆକ୍ରମଣରେ ପରିବାରର ୪ ଜଣ ଗୁରୁତର ଆହତ ହୋଇଛନ୍ତି । ସମସ୍ତଙ୍କୁ ମେଡ଼ିକାଲରେ ଭର୍ତ୍ତି କରାଯାଇଛି। ଏ ନେଇ ଭଣ୍ଡାରିପୋଖରୀ ଥାନାରେ ଅଭିଯୋଗ ହୋଇଛି ।