ପାଳଘର ଭିଡ଼ ହିଂସା: ୧୦୧ ଗିରଫ, ଉଚ୍ଚସ୍ତରୀୟ ଯାଞ୍ଚ ଆଦେଶ ଦେଲେ ଉଦ୍ଧବ ସରକାର
Khabar Odisha:Crime-Palghar-mob-lynching-case-110-arrested-high-level-investigation-ordered

ମୁମ୍ବାଇ, ଏପ୍ରିଲ ୨୦ (ଖବର ଓଡ଼ିଶା): ମହାରାଷ୍ଟ୍ରର ପାଳଘରରେ ଶୁକ୍ରବାର ଭିଡ ହିଂସାରେ ସାଧୁଙ୍କ ସମେତ ୩ ଜଣଙ୍କ ମୃତ୍ୟୁ ହୋଇଛି । ଭିଡ଼ ହିଂସାରେ ସଂପୃକ୍ତ ଥିବା ଲୋକେ ତିନି ଜଣଙ୍କୁ ପିଟିପିଟି ହତ୍ୟା କରିଛନ୍ତି । ଏହି ଘଟଣାର ଖବର ଦେଶର ଚାରିଆଡେ ବ୍ୟାପିଛି । ଘଟଣାର ଏକ ଭିଡିଓ ସାମ୍ନାକୁ ଆସିଛି । ଲୋକେ ଗାଡ଼ିର କାଚ ଭାଙ୍ଗିବା ସହ ହାତରେ ଠେଙ୍ଗା, ପଥର ଓ କୁରାଢ଼ୀ ଧରିଛନ୍ତି । ଏହି ଘଟଣାରେ ଭାରତୀୟ ଜନତା ପାର୍ଟି ଓ ଆଖଡା ପରିଷଦ ଉଚ୍ଚସ୍ତରୀୟ ତଦନ୍ତ ଦାବି କରିଛି । 

ହତ୍ୟାକାଣ୍ଡ ଘଟଣା ସହିତ ଜଡ଼ିତ ୧୦୧ ଜଣ ଲୋକଙ୍କୁ ଗିରଫ କରାଯାଇଛି । ସେମାନଙ୍କୁ ଜୁଭେନାଇଲ ସେଲଟରରେ ରଖାଯାଇଛି । ରବିବାର ବିଳମ୍ବିତ ରାତି ମହାରାଷ୍ଟ୍ରର ଗୃହମନ୍ତ୍ରୀ ଅନିଲ ଦେଶମୁଖ ଘଟଣାର ଉଚ୍ଚ ସ୍ତରୀୟ ଯାଞ୍ଚ ଆଦେଶ ଦେଇଛନ୍ତି । 

ଅନିଲ ଦେଶମୁଖ ନିଜର ଟୁଇଟରେ କହିଛନ୍ତି, ମୁମ୍ବାଇରୁ ସୁରତ ଯାଉଥିବା ୩ ଜଣ ଲୋକଙ୍କୁ ପାଳଘରରେ ହତ୍ୟା କରାଯିବା ପରେ ମୋର ଆଦେଶରେ ଏହି ହତ୍ୟାକାଣ୍ଡରେ ସାମିଲ ୧୦୧ ଜଣ ଲୋକଙ୍କୁ ପୋଲିସ ଗିରଫ କରିଛି । ଏଥି ସହିତ ଘଟଣାର ଉଚ୍ଚସ୍ତରୀୟ ତଦନ୍ତ ପାଇଁ ଆଦେଶ ଦିଆଯାଇଛି । 

ଏହା ପୂର୍ବରୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ତରଫରୁ ଘଟଣା ଉପରେ ପ୍ରତିକ୍ରିୟାରେ କୁହାଯାଇଥିଲା ଯେ, ପାଳଘର ଘଟଣା ଉପରେ କାର୍ଯ୍ୟାନୁଷ୍ଠାନ ନିଆଯିବ । ଯେଉଁମାନେ ୨ ଜଣ ସାଧୁ ଓ ଜଣେ ଡ୍ରାଇଭରଙ୍କୁ ହତ୍ୟା କରିଛନ୍ତି, ପୋଲିସ ସମସ୍ତଙ୍କୁ ଗିରଫ କରିସାରିଛି । ଏମାନଙ୍କୁ କଠୋର ଦଣ୍ଡ ଦିଆଯିବ । 

 

  • Tags:

Subscribe

National International State Sports Entertainment