ବୌଦ୍ଧ: ଅବକାରୀ ବିଭାଗ ବୌଦ୍ଧ ଥାନା ଦୁର୍ଗା ପ୍ରସାଦ କେନାଲ ରାସ୍ତାରୁ କାର ସହ ୧୯ କେଜି ଗଞ୍ଜେଇ ଜବତ କରିଛି । ଏହା ସହିତ ଜଣେ ଗଞ୍ଜେଇ ମାଫିଆକୁ ଗିରଫ କରିଛି । ସେ ଗିରଫ ଜଣକ ହେଲେ ବଘିଆପଡା ଫାଣ୍ଡି ବହଲପଡା ଗ୍ରାମର ମୋହନ ସୁନା । ସମ୍ପୃକ୍ତ ମାଫିଆକୁ ଅଧିକ ପଚରାଚରା କରାଯିବା ପରେ କୋର୍ଟ ଚାଲାଣ କରାଯାଇଛି ।

ମିଳିଥିବା ସୂଚନା ଅନୁଯାୟୀ, ଗତକାଲି ଅପରାହ୍ନ ସମୟରେ କାର ଯୋଗେ ଗଂଜେଇ ଚାଲାଣ ହେଉଥିବା ଅବକାରୀ ବିଭାଗକୁ ଗୁକ୍ତ ସୂଚନା ମିଳିଥିଲା । ଅବକାରୀ ମୋବାଇଲ ସ୍କ୍ଵାଡ ଦୁର୍ଗା ପ୍ରସାଦ କେନାଲ ରାସ୍ତା ନିକଟରେ ଛପି ରହିଥିଲେ l କେନାଲ ରାସ୍ତାରେ ଆସୁଥିବା ଏକ ଫୋର୍ଡ ଫିଗୋ କାର୍ (OD13 K 9458) କୁ ଅଟକାଇ ଯାଞ୍ଚ କରିଥିଲେ । ଯାଞ୍ଚ ସମୟରେ ସେଥିରୁ ୧୯ କେଜି ଗଞ୍ଜେଇ ଜବତ କରାଯାଇଛି । ବଘିଆପଡା ଫାଣ୍ଡି ବହଲପଡା ଗ୍ରାମର ମୋହନ ସୁନାକୂ ଗିରଫ କରିଥିଲା ସ୍କ୍ୱାଡ୍ । ସନ୍ଧ୍ୟାରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ଭାରପ୍ରାପ୍ତ ଇନ୍ସପେକ୍ଟର ସତ୍ୟ ନାରାୟଣ ପ୍ରଧାନ ସୁଚନା ଦେଇଛନ୍ତି ।