ନୂଆଦିଲ୍ଲୀ: ଯେ ପର୍ଯ୍ୟନ୍ତ ଆମକୁ ଆର୍ଥିକ ଏବଂ ବାଣିଜ୍ୟିକ ଦୃଷ୍ଟିରୁ ଲାଭ ମିଳି ଚାଲିବ ସେ ପର୍ଯ୍ୟନ୍ତ ଆମେ ରୁଷଠୁ ତେଲ କିଣି ଚାଲିବୁ । ଏମିତି ସ୍ପଷ୍ଟ ଶବ୍ଦରେ କହିଛନ୍ତି ସରକାରୀ ତୈଳ ଓ ଗ୍ୟାସ କମ୍ପାନି ଓଏଲ ଆଣ୍ଡ ନ୍ୟାଚୁରାଲ ଗ୍ୟାସ କର୍ପୋରେସନ(ଓଏନଜିସି)ର ଚେୟାରମ୍ୟାନ ଅରୁଣ କୁମାର ସିଂ ।
ସେ କହିଛନ୍ତି, ଭାରତ ସରକାରଙ୍କ ପକ୍ଷରୁ ରୁଷ ତେଲ ଆମଦାନୀ ରୋକିବା କିମ୍ବା ସୀମିତ କରିବା ନେଇ କୌଣସି ଚାପ ନାହିଁ । ରୁଷ ତେଳ ଉପରେ କୌଣସି କଟକଣା ନାହିଁ । ଯେ ପର୍ଯ୍ୟନ୍ତ ଭାରତ ସରକାରଙ୍କ ପକ୍ଷରୁ ଅନ୍ୟ କୌଣସି ନିର୍ଦ୍ଦେଶ ମିଳିନାହିଁ ସେ ପର୍ଯ୍ୟନ୍ତ ଓଏନଜିସିର ସମୂହ ରିଫାଇନାରୀ ହିନ୍ଦୁସ୍ଥାନ ପେଟ୍ରୋଲିୟମ ଲିମିଟେଡ ଓ ଏମପିଆରପିଏଲ ରୁଷଠୁ ତେଲ କିଣିବା ଜାରି ରଖିବେ ।
ଅରୁଣ କୁମାର ସିଂ ଗଣମାଧ୍ୟମ ପ୍ରତିିନିଧିଙ୍କ ସହ ଆଲୋଚନା ବେଳେ କହିଛନ୍ତି ଯେ ପର୍ଯ୍ୟନ୍ତ ଏହା ଆର୍ଥିକ ରୂପେ ଆମ ପାଇଁ ଲାଭଦାୟୀ ସେ ପର୍ଯ୍ୟନ୍ତ ବଜାରରେ ଉପଲବ୍ଧ ରୁଷ ତେଲର ପ୍ରତିଟି ବୁନ୍ଦା କିଣି ଚାଲିବୁ । ଓଏନଜିସି ଗର୍ୁପର ଦୁଇ ପ୍ରମୁଖ ରିଫାଇନାରୀ କମ୍ପାନି ଏଚପିସିଏଲ ଓ ଏମଆରପିଏଲ ମିଶି ପାଖାପାଖି ପ୍ରତିବର୍ଷ ୪୦ ମିଲିୟନ ଟନ ତେଲ ବିଶୋଧନ କରିବାକୁ ସକ୍ଷମ । ଏହା ବ୍ୟତୀତ ଏଚପିସିଏଲର ୧୧.୨ ଏମଟିପିଏ କ୍ଷମତା ସହ ଯୁଗ୍ମ ଭାବେ ମିତ୍ତଲ ଏନର୍ଜି ସହ ରହିଛି । ଦେଶର ମୋଟ୍ ରିଫାଇନାରୀ କ୍ଷମତା ବର୍ତ୍ତମାନ ୨୫୮ ଏମପିିଟିଏ ରହିଛି ।
ଅନ୍ୟପଟେ ଭାରତୀୟ ରିଫାଇନାରୀ ଦ୍ୱାରା ରୁଷର ଅଶୋଧିତ ତୈଳ ବିପୁଳ ପରିମାଣରେ ଆମଦାନୀ ଟ୍ରମ୍ପ ପ୍ରଶାସନ ପାଇଁ ଏକ ପ୍ରମୁଖ ବିବାଦର କାରଣ ପାଲଟିଛି । ଯାହା ଫଳରେ ଟ୍ରମ୍ପ ଭାରତ ଉପରେ ରାଗ ସୁଝାଇବାକ ଯାଇ ଭାରତୀୟ ସାମଗ୍ରୀର ଆମଦାନୀ ଉପରେ ୫୦ ପ୍ରତିଶତ ଶୁଳ୍କ ଲଗାଇଛନ୍ତି । ଟ୍ରମ୍ପଙ୍କ ଏହି ନିିଷ୍ପତ୍ତି ଭାରତୀୟ ବଜାରକୁ ପ୍ରଭାବିତ କରିଛି ।
Also read: ଚୀନର ଏସସିଓ ଶିଖର ସମ୍ମିଳନୀରେ ଭେଟିବେ ମୋଦୀ-ପୁଟିନ, ବଢିବ ଟ୍ରମ୍ପଙ୍କ ଟେନସନ