ନୂଆଦିଲ୍ଲୀ: ଶାନ୍ତି ଆଲୋଚନା ମଧ୍ୟରେ ଇରାନର ସର୍ବୋଚ୍ଚ ନେତା ମୁଜତବା ଖାମେନି ଏକ ଗୁରୁତ୍ଵପୂର୍ଣ୍ଣ ବୟାନ ଦେଇଛନ୍ତି। ପାରସ୍ୟ ଉପସାଗରର ସ୍ଵାଧୀନତା ଦିବସରେ ଜାରି ଏକ ବିବୃତ୍ତିରେ ମୁଜତବା ଖାମେନି ପରମାଣୁ ଅସ୍ତ୍ରକୁ ଇରାନର ପୁଞ୍ଜି ବୋଲି ବର୍ଣ୍ଣନା କରିଛନ୍ତି। ସେ କହିଛନ୍ତି, ଦୁଷ୍ଟ ଆମେରିକା ହର୍ମୁଜ୍ ପ୍ରଣାଳୀ ଦେଇ ଆମ ଉପରେ ଚାପ ପ୍ରୟୋଗ କରିବାକୁ ଚେଷ୍ଟା କରୁଛି। ଆମେ କୌଣସି ମୂଲ୍ୟରେ ଆମର ଶକ୍ତି ଛାଡିବୁ ନାହିଁ। ସେ କ୍ଷେପଣାସ୍ତ୍ର ଏବଂ ଡ୍ରୋନ୍ ସହିତ ପରମାଣୁ ଅସ୍ତ୍ରକୁ ଇରାନର ସମ୍ପତ୍ତି ବୋଲି ବର୍ଣ୍ଣନା କରିଛନ୍ତି।

ମୁଜତାବା ଆହୁରି କହିଛନ୍ତି ଯେ ହଜାର ହଜାର ଲୋକ ଇରାନକୁ ସୁରକ୍ଷା ଦେବା ପାଇଁ ନିଜ ଜୀବନ ବଳିଦାନ ଦେଇଛନ୍ତି। ତେଣୁ ଆମେ ଆତ୍ମସମର୍ପଣ କରିପାରିବୁ ନାହିଁ। ହର୍ମୁଜ୍ ପ୍ରଣାଳୀ ହେଉଛି ଇରାନର ଶକ୍ତି। ଆମେ ଏହାକୁ ରକ୍ଷା କରିବୁ। ସେ ପାରସ୍ୟ ଉପସାଗରକୁ ଈଶ୍ୱରଙ୍କ ଆଶୀର୍ବାଦ ଏବଂ ବିଦେଶୀ

ଲୋଭର ଲକ୍ଷ୍ୟ ଭାବରେ ବର୍ଣ୍ଣନା କରିଥିଲେ। ସେ କହିଛନ୍ତି ଯେ ପାରସ୍ୟ ଉପସାଗର ଏକ ଆଶୀର୍ବାଦ ଯାହା କେବଳ ଜଳଭଣ୍ଡାର ନୁହେଁ; ଏହା ଆମର ପରିଚୟ ଏବଂ ସଭ୍ୟତାର ଏକ ଅଂଶ।

ହର୍ମୁଜ ପ୍ରଣାଳୀ ଗୁରୁତ୍ଵପୂର୍ଣ୍ଣ 

ମୁଜତାବା କହିଛନ୍ତି, ଦେଶଗୁଡ଼ିକ ମଧ୍ୟରେ ସଂଯୋଗ କରିବା ସହ ହର୍ମୁଜ  ଓମାନ ଉପସାଗର ଦେଇ ବିଶ୍ଵ ଅର୍ଥନୀତି ପାଇଁ ଏକ ଗୁରୁତ୍ଵପୂର୍ଣ୍ଣ ଏବଂ ପ୍ରମୁଖ ଜଳମାର୍ଗ ପାଲଟିଛି। ଏହି ରଣନୈତିକ ଜଳମାର୍ଗ ଶତାବ୍ଦୀ ଧରି ଅନେକ ସଇତାନଙ୍କ ଲୋଲୁପ ଦୃଷ୍ଟିରେ ରହିଛି। ୟୁରୋପୀୟ ଏବଂ ଆମେରିକୀୟ ବିଦେଶୀଙ୍କ ଦ୍ୱାରା ବାରମ୍ବାର ଆକ୍ରମଣ ଏହି ଅଞ୍ଚଳର ଦେଶଗୁଡ଼ିକ ପାଇଁ ଅସୁରକ୍ଷା, କ୍ଷତି ଏବଂ ଅନେକ ବିପଦ ସୃଷ୍ଟି କରିଛି। ଏହା ପାରସ୍ୟ ଉପସାଗର ଅଞ୍ଚଳର ଲୋକଙ୍କ ବିରୁଦ୍ଧରେ ଷଡ଼ଯନ୍ତ୍ରର ଏକ ଝଲକ ମାତ୍ର। ଏହାର ସଦ୍ୟତମ ଉଦାହରଣ ହେଉଛି ଆମେରିକା।