ହରିଆଣାରେ ଖୋଲିବ ଗଧ ଦୁଗ୍ଧର ଫାର୍ମ, ମୂଲ୍ୟ 1 ଲିଟରକୁ 7000 ଟଙ୍କା
Khabar Odisha:Soon-a-Donkey-dairy-to-be-set-up-in-Haryanas-Hisar-Benefits-price-of-milk-all-you-need-to-know
ହରିଆଣା, ଅଗଷ୍ଟ ୨୩ (ଖବର ଓଡ଼ିଶା):

ସାଧାରଣତଃ କାହାକୁ ଥଟ୍ଟା ପରିହାସ କରିବା ପାଇଁ ଗଧର ନାମ ବ୍ୟବହାର କରାଯାଏ । କିନ୍ତୁ ଗଧ ଦୁଗ୍ଧର ଉପଯୋଗିତା ସମ୍ପର୍କରେ ଜାଣିଲେ ଆଶ୍ଚର୍ଯ୍ୟ ହୋଇଯିବେ। ତେଣୁ ଦେଶରରେ ପ୍ରଥମଥର ହରିଆଣାର ହିସାରରେ ଖୁବ ଶୀଘ୍ର ଗଧ ଦୁଗ୍ଧର ଫାର୍ମ ଖୋଲିବ ବୋଲି ସୂଚନା ମିଳିଛି ।

ଦେଶରେ ପ୍ରଥମ ଥର ପାଇଁ ଗଧର କ୍ଷୀର ମଧ୍ୟ ବିକ୍ରି ହେବାକୁ ଯାଉଛି ଏବଂ ଏହାର ଏକ ଲିଟର କ୍ଷୀରର ମୂଲ୍ୟ 7000 ଟଙ୍କା ରହିବ । ଗଧ କ୍ଷୀର କେବଳ ମଣିଷ ପାଇଁ ଅତ୍ୟନ୍ତ ଲାଭଦାୟକ ନୁହେଁ, ଶରୀରର ରୋଗ ପ୍ରତିରୋଧକ ଶକ୍ତି ବଢାଇବାରେ ମଧ୍ୟ ଏକ ପ୍ରମୁଖ ଭୂମିକା ଗ୍ରହଣ କରିଥାଏ । ଏହା ବ୍ୟତୀତ ଅନେକ ପ୍ରସାଧନ ସାମଗ୍ରୀ ମଧ୍ୟ ଏଥିରୁ ପ୍ରସ୍ତୁତ ହୋଇଥାଏ ।

ରାଷ୍ଟ୍ରୀୟ ଅଶ୍ବ ଅନୁସନ୍ଧାନ କେନ୍ଦ୍ର  ହିସାରରେ ଗଧ ଦୁଗ୍ଧ ପ୍ରସ୍ତୁତି ଆରମ୍ଭ କରିବାକୁ ଯାଉଛି | ହାଲାରୀ ପ୍ରଜାତିର ଏକ ଗଧର ଦୁଗ୍ଧ ବିକ୍ରି ହେବ ବୋଲି ଜଣାପଡିଛି । ଯେଉଁଥିପାଇଁ ଅନୁସନ୍ଧାନ କେନ୍ଦ୍ର ପୂର୍ବରୁ 10ଟି ହାଲାରୀ ପ୍ରଜାତିର ଗଧ କିଣିଛି  ।

ହାଲାରୀ ପ୍ରଜାତିର ଗଧର କ୍ଷୀରକୁ ଔଷଧର ଭଣ୍ଡାର ବୋଲି କୁହାଯାଏ । ସେହି କ୍ଷୀରରେ କର୍କଟ, ମେଦବହୁଳତା, ଆଲର୍ଜି ଭଳି ରୋଗର ପ୍ରତିରୋଧକ କ୍ଷମତା ରହିଛି ଓ ଏହା ଗୁଜୁରାଟରେ ଦେଖିବାକୁ ମିଳେ |

ବିଶେଷଜ୍ଞମାନେ କହିଛନ୍ତି ଯେ ଅନେକ ଥର ଛୋଟ ପିଲାମାନେ ଗାଈ କିମ୍ବା ମଇଁଷି କ୍ଷୀରରେ ସଂକ୍ରମଣର ଶିକାର ହୋଇଥାନ୍ତି ।

କିନ୍ତୁ ସେମାନେ ଗଧ କ୍ଷୀରରେ ସଂକ୍ରମିତ ହୁଅନ୍ତିନି କାରଣ କ୍ଷୀରରେ ଆଣ୍ଟି-ଅକ୍ସିଡାଣ୍ଟ, ଆଣ୍ଟି-ଏଜେନିକ୍ ଉପାଦାନ ରହିଥାଏ ଯାହା ଶରୀରରେ ଅନେକ ଗମ୍ଭୀର ରୋଗ ସହିତ ଲଢିବାରେ ସହଯୋଗ କରେ ।

ବ୍ରାଣ୍ଡିଂ ପରେ ଖୁବ ଶୀଘ୍ର ଗଧ ଦୁଗ୍ଧ ବିକ୍ରି ପାଇଁ ପ୍ରକ୍ରିୟା ଆରମ୍ଭ ହେବ । ବଜାରରେ ଗଧ କ୍ଷୀର ଲିଟର ପିଛା 2000 ରୁ 7000 ଟଙ୍କା ପର୍ଯ୍ୟନ୍ତ ବିକ୍ରି ହୁଏ | ସେଥିରୁ ପ୍ରସ୍ତୁତ ପ୍ରସାଧନ ସାମଗ୍ରୀ ମଧ୍ୟ ଖୁବ ମହଙ୍ଗା ହୋଇଥାଏ । ଗଧ କ୍ଷୀର ସହିତ ସାବୁନ୍, ଲିପ୍ ବାମ, ଶରୀର ଲୋସନ ପ୍ରସ୍ତୁତ କରାଯାଉଛି । 

  • Tags:

Subscribe

National International State Sports Entertainment