କାମାକ୍ଷାନଗର: ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ୫୩ ନଂ ଜାତୀୟ ରାଜପଥ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି । ଆଳତୁମା ଗାଁ ରାମିଆଳ ବ୍ରିଜ ତଳକୁ ଖସି ଜଣେ ବାଇକ ଆରୋହୀଙ୍କର ମୃତ୍ୟୁ ହୋଇଛି । ମୃତକ ଜଣକ ହେଲେ ତାଳଚେର ସେଣ୍ଟ୍ରାଲ କଲୋନୀର ଅନିଶ କ୍ୟୁରେଷି । 

ଅନିଶ ଏବଂ ତାଙ୍କ ସାଙ୍ଗ ଏମଡି. ଇସ୍ମାଇଲ୍ ଙ୍କ ସହିତ ବୁଲିବାକୁ ଯାଇଥିଲେ । ଗତକାଲି ବିଳମ୍ବିତ ରାତି ପ୍ରାୟ ୩ଟା ସମୟରେ ଦୁଇ ଜଣ ଢେଙ୍କାନାଳରୁ ବାଇକ ଯୋଗେ ଘରକୁ ଫେରୁଥିଲେ । ଏହି ସମୟରେ ଆଳତୁମା ଗାଁ ବ୍ରିଜ ନିକଟରେ ଭାରସାମ୍ୟ ହରାଇ ପୋଲର ସେପ୍ଟି ୱାଲ୍ ରେ ପଟି ହୋଇ ତଳକୁ ଖସି ପଡ଼ିଥିଲେ । ତାଙ୍କ ସାଙ୍ଗ ଜଣଙ୍କ ମଧ୍ୟ ଛିଟିକି ତଳେ ଖସି ପଡ଼ିଥିଲେ । ଖବର ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଁଚି ଉଭୟ ବାଇକ ଚାଳକଙ୍କୁ ଉଦ୍ଧାର କରି କାମାକ୍ଷାନଗର ମେଡିକାଲରେ ଭର୍ତ୍ତି କରିଥିଲେ । ତେବେ ସେଠାରେ ଡାକ୍ତର ଅନିଶଙ୍କୁ ମୃତ ଘୋଷଣା କରିଛନ୍ତି । ତାଙ୍କ ଇସ୍ମାଇଲ୍ ସମ୍ପୂର୍ଣ୍ଣ ସୁସ୍ଥ ଅଛନ୍ତି ।

ତେବେ ଫୋନ୍ କଥା ହେଉଥିବାବେଳେ ସେ ଅନ୍ୟମନସ୍କ ହୋଇ ବାଇକ୍ କୁ ସେପ୍ଟି ୱାଲରେ ପିଟି ଦେଇଥିବା ତାଙ୍କ ସାଙ୍ଗ ଇସ୍ମାଇଲ୍ କହିଛନ୍ତି । କାମାକ୍ଷାନଗର ପୋଲିସ ମୃତ ଦେହକୁ ସହିତ ଘଟଣା ସ୍ଥଳରୁ ବାଇକୁ ଜବତ କରି ଅଧିକ ତଦନ୍ତ ଚଳାଇଛି ।