ସୁନ୍ଦରଗଡ଼ରେ ସିରିଜ ଚୋରି ହୋଇଛି। ୫୦୦ ଗ୍ରାମ୍ ସୁନା ସହ ଲକ୍ଷାଧିକ ଟଙ୍କା ଲୁଟିନେଲେ ଲୁଟେରା । ଏପରି ଏକ ଘଟଣା ସୁନ୍ଦରଗଡ଼ ଟାଉନ ଥାନା ଫିଟିଙ୍ଗପଡାରେ ଘଟିଛି ।

ସୂଚନା ଅନୁସାରେ, ଆଜି ବଡ ଦିନ ପାଇଁ ଫିଟିଙ୍ଗପଡା ଅଞ୍ଚଳର କିଛି ପରିବାର ଗତକାଲି ଚର୍ଚ୍ଚ ଯାଇଥିଲେ । ଏହି ସମୟର ସୁବିଧା ନେଇ ୫ଟି ଘରୁ ମେନଗେଟକୁ ଗ୍ୟାସ କଟରରେ କାଟି ଘର ଭିତରରେ ଥିବା ସମସ୍ତ ଜିନିଷ ନେଇ ଚମ୍ପଟ ମାରିଛନ୍ତି । କିଛି କ୍ଷଣ ମଧ୍ୟରେ ଘରେ କଳାକନା ବୁଲାଇଥିଲେ ଲୁଟେରା । ୫ଟି ଘରର ଲୋକେ ଚର୍ଚ୍ଚରୁ ଫେରି ଦେଖନ୍ତି ତ ଘରେ ଥିବା ସବୁ ଜିନିଷ ଲୁଟ ହୋଇଯାଇଛି। ଲୁଟେରା ଘରର ଆଲମାରିର ଲକର ଭାଙ୍ଗି ସବୁ କିଛି ଚୋରି କରି ନେଇଯାଇଛନ୍ତି ।