ପିଲା ଚୋରି ସନ୍ଦେହରେ ଯୁବକଙ୍କୁ ନିସ୍ତୁକ ମାଡ । ଏଭଳି ଏକ ଘଟଣା ଦେଖିବାକୁ ମିଳିଛି କଟକ ଜିଲ୍ଲା ବାଙ୍କୀ ଥାନା ଅନ୍ତର୍ଗତ କଇଁ ମୁଣ୍ଡି ଫାଣ୍ଡି ନିକଟ ପାଠପୁର ଗ୍ରାମରେ । ଏହି ଗାଁରେ ଜଣେ ଅଣ ଓଡିଆ ଯୁବକ ସନ୍ଦେହ ଜନକ ଅବସ୍ଥାରେ ବୁଲୁଥିବା ବେଳେ କିଛି ଯୁବକ ପିଲା ଚୋର ସନ୍ଦେହରେ ତାଙ୍କୁ ନିସ୍ତୁକ ମାଡ ମାରିଛନ୍ତି । ତେବେ ଖବର ପାଇ ପୋଲିସ ଗାଁରେ ପହଂଚି ଯୁବକଙ୍କୁ  ଉଦ୍ଧାର କରିବା ସହିତ କଇମୁଣ୍ଡା ଫାଣ୍ଡିରେ ଯୁବକଙ୍କୁ ଅଟକ ରଖି ଅଧିକ ତଦନ୍ତ ଜାରି ରଖିଛି । ଏବଂ ଯୁବକ ଜଣଙ୍କ ଅଲଗା ଭାଷାରେ କଥା ହେଉଥିବାରୁ ତାଙ୍କର ପରିଚୟ ଏପର୍ଯ୍ୟନ୍ତ ମିଳିନାହିଁ ।