ବାଲେଶ୍ୱର: ଜିଲ୍ଲାର ଖନ୍ତାପଡ଼ା ଥାନା ଅନ୍ତର୍ଗତ ନୂଆଗାଁ ପଞ୍ଚାୟତ ଚଣ୍ଡୀପୁର ଗ୍ରାମର ଜଣେ ଯୁବକଙ୍କ ମୃତ ଦେହ ଉଦ୍ଧାର ହୋଇଛି । ମୃତକ ଜଣକ ହେଲେ ଉଦୟ ଚରଣ ନାୟକଙ୍କ ପୁଅ ଅଜୟ ନାୟକ ଓରଫ୍ ବାପୁନୁ (୩୫) । ସେ ଦୁଇ ଦିନ ତଳେ  ନିଖୋଜ ଥିଲେ ବୋଲି ପରିବାର ଲୋକ କହିଛନ୍ତି । 

ସୂଚନା ମୁତାବକ, ଚଣ୍ଡୀପୁର ଗ୍ରାମର ଉଦୟ ଚରଣ ନାୟକଙ୍କ ପୁଅ ଅଜୟ ନାୟକ ଗତକାଲି ସନ୍ଧ୍ୟାରୁ ଘରକୁ ଫେର ନ ଥିଲେ । ଅଧିକ ବିଳମ୍ବିତ ରାତି ହେବାରୁ ପରିବାର ବ୍ୟସ୍ତ ବିବ୍ରତ ହୋଇ ଖୋଜାଖୋଜି କରିଥିଲେ । କିନ୍ତୁ ଅଜୟଙ୍କର କୌଣସି ସନ୍ଧାନ ମିଳି ନ ଥିଲା । ତେବେ ଆଜି ସକାଳରେ ଗଡ଼ିଆମାଳ ଛକ ନିକଟ କେନାଲରେ ଅଜୟଙ୍କର ମୃତ ଦେହ ପଡ଼ିଥିବାର ସ୍ଥାନୀୟ ଲୋକ ଦେଖିଥିଲେ । ଏ ନେଇ ପରିବାରକୁ ଜଣାଇବା ସହିତ ପୋଲିସକୁ ଖବର ଦେଇଥିଲେ । 

ତାଙ୍କୁ କେହି ହତ୍ୟା କରି କେନାଲରେ ଫୋପାଡ଼ି ଦେଇଥିବା ପରିବାର ଲୋକ ଅଭିଯୋଗ କରିଛନ୍ତି । ପୋଲିସ ମୃତ ଦେହକୁ ଜବତ କରି ବ୍ୟବଚ୍ଛେଦ ପାଇଁ ନୀଳଗିରି ଉପଖଣ୍ଡ ଚିକିତ୍ସାଳୟକୁ ପଠାଇ ଦେବା ସହ ପାରିପାର୍ଶ୍ୱିକ ସ୍ଥିତିକୁ ଦେଖି ତଦନ୍ତ ଆରମ୍ଭ କରିଛି ।