ନବରଙ୍ଗପୁର : ପୋଲିସର ବଡ ସଫଳତା। ଜୁଆ ଖେଳ ଚାଲୁଥିଲା ବେଳେ ମାଡ଼ି ବସିଲା ପୋଲିସ । ଲକ୍ଷାଧିକ ଟଙ୍କା  ସହ ଗାଡି  ଜବତ  ୧୪ ଜଣ ଗିରଫ ହୋଇଛନ୍ତି ।  ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରିବା ନେଇ ଏସ୍ପି ସୂଚନା ଦେଇଛନ୍ତି। 

ସୂଚନା ଅନୁଯାୟୀ ନବରଙ୍ଗପୁର ଥାନା ତାରାଗାଁ ନିକଟରେ ଜୁଆ ଖେଳ ଚାଲୁଥିବା ଖବର  ପୋଲିସ ପାଇଥିଲା । ଏସ୍ପିଙ୍କ  ନିର୍ଦ୍ଦେଶ କ୍ରମେ ଏକ ଟିମ  ଯୋଗେ ଜୁଆ ଆଡ୍ଡାରେ ମିଳିତ ଚଢ଼ାଉ କରାଯାଇଥିଲା । ଚଢ଼ାଉ ସମୟରେ ୧୪ ଜଣକୁ ଗିରଫ  ସହ ଏକ ଲକ୍ଷ ୬୬ ହଜାର ଟଙ୍କା ,ବାଇକ ଓ ଦୁଇଟି  କାର ଜବତ ହୋଇଛି  । ଅନ୍ୟପଟେ ଗିରଫ ହୋଇଥିବା ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯିବା  ସହ ଅଧିକ ତଦନ୍ତ ଚାଲୁଥିବା ଏସ୍ପି ସୂଚନା ଦେଇଛନ୍ତି ।

ସୂଚନା ଥାଉକି  ଜିଲ୍ଲାରେ ଅନେକ ସ୍ଥାନରେ ବେଆଇନ ଭାବେ ଜୁଆ ଆଡା ଚାଲିଛି। ଯାହାର ଶିକାର ଅନେକ ଯୁବପିଢି ହେଉଛନ୍ତି। ତେଣୁ ଏହି ଘଟଣା ପରେ ପୋଲିସ ଅଧିକ ତତ୍ପରତା ଦେଖାଇଛି।