ଗଂଜାମ ଜିଲ୍ଲା ଏନଏଚ୧୬ ପୁଇଁତଳା ଛକରେ ଏକ ଅଘଟଣ ଘଟିଯାଇଛି । ରାସ୍ତା ମଝିରେ ଏକ ଖଚଏ ସିଲିଣ୍ଡର ଟ୍ରକ ହୁତୁହୁତୁ ହୋଇ ଜଳିଯାଇଛି । ଯେଉଁଥିରୁ ଡ୍ରାଇଭର ଓ ହେଲପର ଅଳ୍ପକେ ବର୍ତ୍ତି ଯାଇଛନ୍ତି । 

ସୂଚନା ଅନୁସାରେ ଆଜି ସକାଳୁ ଖଚଏ ସିଲିଣ୍ଡର ଟ୍ରକଟି ଭୁବନେଶ୍ୱରରୁ ବ୍ରହ୍ମପୁର ଅଭିମୁଖେ ଯାଉଥିଲା । ଏହି ସମୟରେ ଟ୍ରକଟିରେ ହଠାତ ନିଆଁ ଲାଗିଯାଇଥିଲା । ଟ୍ରକ ଡ୍ରାଇଭର ଏହା ଜାଣିପାରି ସେଠାରେ ଗାଡି ଅଟକାଇଥିଲେ । ଏହାପରେ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଛତ୍ରପୁର ଅଗ୍ନିଶମ ବାହିନୀ ଘଟଣା ସ୍ଥଳରେ ପହଂଚି ନିଆଁକୁ ଆୟତ୍ତ କରିଥିଲେ । ତେବେ ଟ୍ରକରେ କିପରି ନିଆଁ ଲାଗିଲା ତାର କାରଣ ଜଣାପଡିନଥିବା ବେଳେ ଟ୍ରକର ସମ୍ପୂର୍ଣ୍ଣ ଭାବରେ ଜଳିଯାଇଥିଲା ।