ଭୁବନେଶ୍ୱର: ଦୁର୍ଗାପୂଜା ଓ ଦୀପାବଳିରେ ଘରମୁହାଁ ଯାତ୍ରୀଙ୍କ ଭିଡ଼କୁ ଦୃଷ୍ଟିରେ ରଖି ଭାରତୀୟ ରେଳ ପକ୍ଷରୁ ବଡ଼ ଘୋଷଣା କରାଯାଇଛି। ଓଡ଼ିଶା ଓ ପଶ୍ଚିମବଙ୍ଗ ମଧ୍ୟରେ ଅତିରିକ୍ତ ଦୁଇଟି ପୂଜା ସ୍ପେଶାଲ ଟ୍ରେନ ଚଳାଚଳ କରିବ। ଅକ୍ଟୋବରରୁ ନଭେମ୍ବର ୨୦୨୬ ପର୍ଯ୍ୟନ୍ତ ଏହି ସ୍ପେଶାଲ ସେବା ଚାଲିବା ସହ ପର୍ବ ସମୟରେ ଯାତ୍ରୀଙ୍କୁ ସୁବିଧାଜନକ ଯାତ୍ରାର ସୁଯୋଗ ମିଳିବ।

ପୁରୀ–ସାନ୍ତ୍ରାଗାଛି ସ୍ପେଶାଲ

ଟ୍ରେନ ନଂ. 08405 ପ୍ରତ୍ୟେକ ସୋମବାର ୫ ଅକ୍ଟୋବରରୁ ୨୬ ଅକ୍ଟୋବର ପର୍ଯ୍ୟନ୍ତ ଚାଲିବ। ସନ୍ଧ୍ୟା ୫:୪୫ରେ ପୁରୀରୁ ଛାଡ଼ି ପରଦିନ ଭୋର ୩:୪୫ରେ ସାନ୍ତ୍ରାଗାଛି ପହଞ୍ଚିବ।

ଫେରନ୍ତା ଟ୍ରେନ ନଂ. 08406 ପ୍ରତ୍ୟେକ ମଙ୍ଗଳବାର ୬ ଅକ୍ଟୋବରରୁ ୨୭ ଅକ୍ଟୋବର ପର୍ଯ୍ୟନ୍ତ ସକାଳ ୮:୪୫ରେ ସାନ୍ତ୍ରାଗାଛିରୁ ଛାଡ଼ି ସନ୍ଧ୍ୟା ୭ଟାରେ ପୁରୀ ପହଞ୍ଚିବ।

ଏହି ଟ୍ରେନ ସାକ୍ଷୀଗୋପାଳ, ଖୋର୍ଦ୍ଧା ରୋଡ୍, ଭୁବନେଶ୍ୱର, କଟକ, ଯାଜପୁର-କେନ୍ଦୁଝର ରୋଡ୍, ଭଦ୍ରକ, ବାଲେଶ୍ୱର, ରୂପସା, ଜଳେଶ୍ୱର, ବେଲଦା ଓ ଖଡ଼ଗପୁର ଷ୍ଟେସନରେ ରହଣି କରିବ। ୧୮ଟି ଆଧୁନିକ LHB କୋଚ୍ ସହ ଏହି ଟ୍ରେନରେ AC, ସ୍ଲିପର ଓ ଜେନେରାଲ ବଗି ଉପଲବ୍ଧ ରହିବ।

ଶାଲିମାର–ଖୋର୍ଦ୍ଧା ରୋଡ୍ ସ୍ପେଶାଲ

ଟ୍ରେନ ନଂ. 08043 ପ୍ରତ୍ୟେକ ସୋମବାର ୧୨ ଅକ୍ଟୋବରରୁ ୯ ନଭେମ୍ବର ପର୍ଯ୍ୟନ୍ତ ସନ୍ଧ୍ୟା ୫:୫୫ରେ ଶାଲିମାରରୁ ଛାଡ଼ି ପରଦିନ ଭୋର ୨:୪୫ରେ ଖୋର୍ଦ୍ଧା ରୋଡ୍ ପହଞ୍ଚିବ।

ଫେରନ୍ତା 08044 ପ୍ରତ୍ୟେକ ମଙ୍ଗଳବାର ୧୩ ଅକ୍ଟୋବରରୁ ୧୦ ନଭେମ୍ବର ପର୍ଯ୍ୟନ୍ତ ସକାଳ ୬:୪୫ରେ ଖୋର୍ଦ୍ଧା ରୋଡ୍ ଛାଡ଼ି ଅପରାହ୍ନ ୩ଟାରେ ଶାଲିମାର ପହଞ୍ଚିବ।

ଏହି ଟ୍ରେନ ସାନ୍ତ୍ରାଗାଛି, ଖଡ଼ଗପୁର, ବାଲେଶ୍ୱର, ରୂପସା, ଭଦ୍ରକ, ଯାଜପୁର ରୋଡ୍, କଟକ ଓ ଭୁବନେଶ୍ୱର ଷ୍ଟେସନରେ ରହଣି କରିବ। ୨୨ଟି ICF କୋଚ୍ ସହ ଦିବ୍ୟାଙ୍ଗ ଯାତ୍ରୀଙ୍କ ପାଇଁ ମଧ୍ୟ ସ୍ୱତନ୍ତ୍ର ସୁବିଧା ରହିଛି।

ପର୍ବ ସମୟରେ ଯାତ୍ରା ଯୋଜନା କରୁଥିବା ଯାତ୍ରୀମାନଙ୍କୁ ଆଗୁଆ ବୁକିଂ କରିବାକୁ ରେଳ କର୍ତ୍ତୃପକ୍ଷ ପରାମର୍ଶ ଦେଇଛନ୍ତି। NTES ଓ ଅଧିକୃତ ରେଳ ଆପ୍‌ରେ ସମୟସୂଚୀ ଓ ଲାଇଭ୍ ଟ୍ରେନ ସୂଚନା ଯାଞ୍ଚ କରାଯାଇପାରିବ।