ଭୁବନେଶ୍ୱର: ସମ୍ଭାବ୍ୟ ବାତ୍ୟା ‘ଅକଭାନ୍’କୁ ଦୃଷ୍ଟିରେ ରଖି ରେଳଯାତ୍ରୀଙ୍କ ସୁରକ୍ଷା ପାଇଁ ରେଳ ବିଭାଗ ପକ୍ଷରୁ ଏକ ବଡ଼ ନିଷ୍ପତ୍ତି ନିଆଯାଇଛି। ବିଶାଖାପାଟଣା ଓ କିରଣ୍ଡୁଲ୍ ମଧ୍ୟରେ ଚଳାଚଳ କରୁଥିବା ଦୁଇଟି ଏକ୍ସପ୍ରେସ୍ ଟ୍ରେନ୍କୁ ନଭେମ୍ବର ୧୯ ଓ ୨୦ ତାରିଖ ପାଇଁ ବାତିଲ୍ କରାଯାଇଛି।
ରେଳ ବିଭାଗର ସୂଚନା ଅନୁଯାୟୀ, ବାତ୍ୟାର ସମ୍ଭାବ୍ୟ ପ୍ରଭାବ ଓ ଯାତ୍ରୀଙ୍କ ସୁରକ୍ଷାକୁ ଆଖିଆଗରେ ରଖି ଏହି ପଦକ୍ଷେପ ନିଆଯାଇଛି। ଏହା ଅନୁସାରେ, ଟ୍ରେନ୍ ନମ୍ବର ୧୮୫୧୫ ବିଶାଖାପାଟଣା-କିରଣ୍ଡୁଲ୍ ଏକ୍ସପ୍ରେସ୍ ଏବଂ ଟ୍ରେନ୍ ନମ୍ବର ୧୮୫୧୬ କିରଣ୍ଡୁଲ୍-ବିଶାଖାପାଟଣା ଏକ୍ସପ୍ରେସ୍ ଉଭୟ ୧୯ ଓ ୨୦ ନଭେମ୍ବରରେ ଚଳାଚଳ କରିବ ନାହିଁ।
ବାତ୍ୟା ସମୟରେ ଯାତ୍ରା କରିବା ଦ୍ୱାରା ଯେପରି ଯାତ୍ରୀମାନେ କୌଣସି ଅସୁବିଧାରେ ନପଡ଼ନ୍ତି, ସେଥିପାଇଁ ରେଳ ବିଭାଗ ଏହି ଆଗୁଆ ସତର୍କତାମୂଳକ ପଦକ୍ଷେପ ନେଇଛି। ତେଣୁ ଏହି ଦୁଇଟି ଟ୍ରେନ୍ରେ ଯାତ୍ରା କରିବାକୁ ଯୋଜନା କରିଥିବା ଯାତ୍ରୀମାନେ ଟ୍ରେନ୍ ବାତିଲ୍ ସମ୍ପର୍କିତ ସୂଚନାକୁ ଧ୍ୟାନ ଦେବା ସହ ନିଜ ଯାତ୍ରା ଯୋଜନାରେ ଆବଶ୍ୟକ ପରିବର୍ତ୍ତନ କରିବାକୁ ରେଳ ବିଭାଗ ପରାମର୍ଶ ଦେଇଛି।
Also Read: ବାତ୍ୟା ‘ଅକ୍ୱାନ୍'କୁ ନେଇ ସରକାରଙ୍କ ବଡ଼ ପ୍ରସ୍ତୁତି; ୨୪ ଘଣ୍ଟିଆ ଡ୍ୟୁଟିରେ ୧୦ ବରିଷ୍ଠ IAS ଅଧିକାରୀ ନିୟୋଜିତ