ବ୍ୟବସାୟୀଙ୍କ ଘରୁ ଚୋରି। ବ୍ୟବସାୟୀ ଜଣକ ଘରେ ନଥିବାବେଳେ କଳାକନା ବୁଲାଇଲେ ଦୁର୍ବୃତ୍ତ। ୭ ଭରି ସୁନା ଓ ୩ ଲକ୍ଷ ଟଙ୍କା ଲୁଟି ନେଲେ ଚୋର। ରାୟଗଡା କଲ୍ୟାଣସିଂହପୁରର ଦାନୁ ସାହିରେ ଘଟିଛି ଏହି ବଡ଼ଧରଣ ଚୋରି। କଲ୍ୟାଣସିଂହପୁର ଅଞ୍ଚଳର ବ୍ୟବସାୟୀ ଶଙ୍କର ସେନାପତିଙ୍କ ପରିବାର ଘରେ ନଥିବା ସୁଯୋଗକୁ ନିଅଇ ଦୁର୍ବୃତ୍ତମାନେ ପଛପଟ ଦ୍ୱାର ଭାଙ୍ଗି ଘରକୁ ପ୍ରବେଶ କରିଥିଲେ। ଆଲମିରା ଭାଙ୍ଗି ୮ ଭରି ସୁନା ଓ ୩ ଲକ୍ଷ ଟଙ୍କା ଲୁଟିନେଇଛନ୍ତି ଚୋର। ସକାଳେ ଘଟଣା ଜଣାପଡ଼ିବା ପରେ ପୋଲିସ ତଦନ୍ତ ଆରମ୍ଭ କରିଛି, ସିସିଟିଭି ଫୁଟେଜ୍ ଖୋଜାଖୋଜି ଚାଲିଛି। ସ୍ଥାନୀୟ ଲୋକ ରାତିରେ ପାଟ୍ରୋଲିଂ ବଢ଼ାଇବାକୁ ଦାବି କରୁଛନ୍ତି।

ସେହିପରି ବାଲେଶ୍ୱର ଜିଲ୍ଲାର ସୋର ଅଞ୍ଚଳରେ ମଧ୍ୟ ଦୁର୍ବୃତ୍ତଙ୍କ ଦାଦାବଟି ଦେଖିବାକୁ ମିଳିଛି। ମୁହଁରେ କଳାକନା ବାନ୍ଧି ଆସିଥିବା ଦୁଇଜଣ ଲୁଟେରା ଜଣେ ମହିଳାଙ୍କୁ ଆକ୍ରମଣ କରି, ତାଙ୍କ ବେକରୁ ସୁନା ହାର ଛିଣ୍ଡାଇ ନେଇଛନ୍ତି। ପ୍ରତିମା ସାହୁ ନାମକ ଏହି ମହିଳା ଏହି ଲୁଟ୍ ର ଶିକାର ହୋଇଛନ୍ତି। ଘଟଣାସ୍ଥଳକୁ ପୋଲିସ ପହଞ୍ଚି ତଦନ୍ତ ଚଳାଇଛି।

ରାତିର ଅନ୍ଧାରକୁ ଅସ୍ତ୍ର କରି ଦୁର୍ବୃତ୍ତମାନେ ଲୋକଙ୍କ ଘର ଓ ଜୀବନକୁ ଲକ୍ଷ୍ୟ କରୁଛନ୍ତି। ଦୁଇଟି ଭିନ୍ନ ଜିଲ୍ଲାରେ ଘଟିଥିବା ଏହି ଦୁଇଟି ଲୁଟ୍ ଘଟଣା ସାଧାରଣ ଲୋକଙ୍କ ମନରେ ଭୟ ସୃଷ୍ଟି କରିଛି। ଏଭଳି ଘଟଣା ପୋଲିସ ପାଇଁ ଚ୍ୟାଲେଞ୍ଜ ହେବା ସହ ସାଧାରଣ ଲୋକଙ୍କ ସୁରକ୍ଷା ଉପରେ ପ୍ରଶ୍ନଚିହ୍ନ ଉଠାଇଛି।