ପ୍ରତିବର୍ଷ ୨ ଏପ୍ରିଲ ତାରିଖକୁ ବିଶ୍ଵ ଅଟିଜିମ ସଚେତନତା ଦିବସ ଭାବେ ପାଳନ କରାଯାଏ। ଏହା ଏକ ମସ୍ତିଷ୍କ ସମ୍ବନ୍ଧୀୟ ରୋଗ। ଏହି ରୋଗର ଶିକାର ଶିଶୁମା‌ନେ ଅନ୍ୟମାନଙ୍କ ସହ କଥାବାର୍ତ୍ତା ହେବାରେ ଅସହଜ ଅନୁଭବ କରିଥାଆନ୍ତି। କଥା କହିବା ଓ ବୁଝିବାରେ ସେମାନଙ୍କୁ ସମସ୍ୟା ହୋଇଥାଏ। ତେବେ ଝିଅମାନଙ୍କ ଅପେକ୍ଷା ପୁଅମା‌ନେ ବେଶି ଏହି ରୋଗର ଶିକାର ହୋଇଥାଆନ୍ତି। ତେବେ ଅଟିଜିମ ଏକ ଭିନ୍ନତା ହୋଇପାରେ, ଏହା ଆମ ସାମଜ ପାଇଁ ବୋଝ ନୁହେଁ। ତେଣୁ ଏ ସମ୍ପର୍କରେ ଲୋକମାନଙ୍କ ଭିତରେ ଅଧିକ ସଚେତନତା ସୃଷ୍ଟି କରିବାର ପ୍ରତ୍ୟକ ବର୍ଷ ଏହି ଦିବସ ପାଳନ କରାଯାଉଛି। ତେବେ ଏହାକୁ ମିଳିତ ଜାତିସଂଘ ସାଧାରଣ ପରିଷଦ ପ୍ରସ୍ତାବ ଦ୍ୱାରା ଗୃହୀତ ହୋଇଥିଲା। ଏହାକୁ କାତାରର ମିଳିତ ଜାତିସଂଘ ପ୍ରତିନିଧି ମୋଜା ବିଣ୍ଟ ନାସେର ଅଲ-ମିସନେଦ ପ୍ରସ୍ତାବ କରିଥିଲେ ଏବଂ ସମସ୍ତ ସଦସ୍ୟ ରାଷ୍ଟ୍ର ଦ୍ୱାରା ସମର୍ଥିତ ହୋଇଥିଲେ। ଏହା ମିଳିତ ଜାତିସଂଘର ସଦସ୍ୟ ରାଷ୍ଟ୍ରଗୁଡ଼ିକୁ ସାରା ବିଶ୍ୱରେ ଅଟିଷ୍ଟିକ୍ ବ୍ୟକ୍ତିମାନଙ୍କ ବିଷୟରେ ସଚେତନତା ବୃଦ୍ଧି କରିବା ପାଇଁ ପଦକ୍ଷେପ ନେଇଥାଏ।