କ୍ଷେତରେ ପଡିଛି ଅଜଣା ମହିଳାଙ୍କ ମୃତ ଦେହ । ଏହା ହତ୍ୟା ନା ଆତ୍ମ ହତ୍ୟା ତାହା ସନ୍ଦେହ କରାଯାଉଛି । ଏହା ଗଛରେ ଶାଢ଼ୀ ଲାଗିଥିଲା ବେଳେ ମୃତକ ମହିଳାଙ୍କ ବେକରେ ଶାଢ଼ୀ ଗୁଡେଇ ହୋଇଥିବା ଦେଖିବାକୁ ମିଳିଛି । ମହିଳାଙ୍କ ମୁହଁରେ ପଥରରେ ଛେଚା ହୋଇଥିବା ଦେଖି ତାଙ୍କୁ ହତ୍ୟା କରାଯାଇଥିବା ପୋଲିସ କହିଛି । ଏଭଳି ଘଟଣା ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲାରେ ।  

ସୂଚନା ଅନୁଯାୟୀ, ବଲାଙ୍ଗିର ଜିଲ୍ଲା ପୁଇଁତଲା ଥାନା ଅନ୍ତର୍ଗତ କେସେର୍‌କେଲା ଗାଁର ଏକ କ୍ଷେତ ଭିତରେ ପଡ଼ିଛି ଜଣେ ମହିଳାଙ୍କ ଶବ । ଗୁରୁବାର ଦିନ ସକାଳ ସମୟରେ ଜଣେ ସ୍ଥାନୀୟ ଲୋକ ଏକ ଗଛରେ ଶାଢ଼ୀ ଲାଗିଥିବା ଦେଖିଥିଲେ । ଏହା ପରେ ସେ ଗଛ ନିକଟକୁ ଯାଇ ଦେଖିଲା ବେଳକୁ ସେଠାରେ ମହିଳାଙ୍କ ବେକରେ ଶାଢ଼ୀ ଗୁଡା଼ଇହୋଇ ରହିଥିଲା ବେଳେ ମହିଳା ଜଣକଙ୍କ ଶବ ମୁହଁ ମାଡି ତଳେ ପଡିଥିଲେ । ମହିଳାଙ୍କ ମୃତ ଦେହକୁ  ଦେଖି ସେ ଭୟଭୀତ ହୋଇଯାଇଥିଲେ । 

ଏହା ପରେ ସେ ସମସ୍ତଙ୍କୁ ଜଣାଇବା  ସହ ପୋଲିସକୁ ଖବର ଜଣାଇଥିଲେ । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତନ୍ନ ତନ୍ନ କରି ଛାନଭିନ ଆରମ୍ଭ କରିଥିଲେ । ସେଠାରେ କେଉଁଠି ମହିଳାଙ୍କ ଚପଲ ପଡିଛି ତା ଆଉ କେଉଁଠି ସେ ପିନ୍ଧିଥିବା ଅଳଙ୍କାର । ଏପରିକି  ମହିଳାଙ୍କ ମୁହଁରେ ପଥରରେ ଛେଚା ହୋଇଥିବା ଦେଖି ପୋଲିସ ହତ୍ୟା ବୋଲି ସନ୍ଦେହ କରିଛି ।     

ତେବେ ଏହା ଆତ୍ମହତ୍ୟା ନା ହତ୍ୟାକାଣ୍ଡ ତାହା ବର୍ତ୍ତମାନ ପର୍ଯ୍ୟନ୍ତ ଜଣାପଡ଼ିନାହିଁ । ତଦନ୍ତ ପରେ ଏହା ସ୍ପଷ୍ଟ ହେବ ବୋଲି କୁହାଯାଉଛି । ତେବେ ମହିଳା ଜଣକ ମିଶନ ଶକ୍ତିର ଶାଢ଼ୀ ପିନ୍ଧିଥିବା ନଜର୍‌କୁ ଆସିଛି । ଏହି ଘଟଣା ସାରା ଅଂଚଳରେ ଚହଳ ସୃଷ୍ଟି କରିଥିବା ବେଳେ ଘଟଣାସ୍ଥଳରେ ଦେଖଣାହାରୀଙ୍କ ଭିଡ଼ ଜମିବାରେ ଲାଗିଛି । ଘଟଣାସ୍ଥଳରେ ସାଇନ୍‌ଟିଫିକ୍‌ ଟିମ୍‌ ଓ ପୁଇଁତଲା ପୋଲିସ ସହ ଏସ୍‌ଡ଼ିପିଓ ଉପସ୍ଥିତ ରହି ତଦନ୍ତ ଜାରି ରଖିଛନ୍ତି ।

ଅଧିକ ପଢନ୍ତୁ :ଫୁଡ ପଏଜନିଂ ପାଇଁ ୧୩ ଛାତ୍ରୀ ଅସୁସ୍ଥ