ଭାରସାମ୍ୟ ହରାଇ ପୋଖରୀକୁ ଖସିଲା କାର୍ । ଜଣେ ମୃତ ଥିବା ବେଳେ ଅନ୍ୟ ୩ ଜଣ ଗୁରୁତର ଆହତ ଅବସ୍ଥାରେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।

ସୂଚନା ଅନୁସାରେ , ଅସ୍ତରଙ୍ଗ ପଟୁ ଡେରୁଣିଆ ଗ୍ରାମକୁ ଯାଉଥିବା ଏକ ଘରୋଇ କାର୍ ଆଳଙ୍ଗପୁର ଗ୍ରାମ ମୁଣ୍ଡରେ ଥିବା ଏକ ପୋଖରୀ ଭିତରକୁ ଭାରସାମ୍ୟ ହରାଇ ଖସି ପଡିଥିଲା । ଫଳରେ ପରିବାରର ଚାରି ଜଣ ସଦସ୍ୟ କାର ସହ ପୋଖରୀ ମଧ୍ୟକୁ ଖସି ପଡିଥିଲେ । ସେଥିମଧ୍ୟରୁ ଜଣେ ୧୦ ବର୍ଷର ପୁଅ ପୋଖରୀ ଭିତରେ ଭାସୁଥିଲା । ସ୍ଥାନୀୟ ଲୋକେ ଏହା ଦେଖି ପିଲାଟିକୁ ଉଦ୍ଧାର କରିଥିଲେ । ହଠାତ ପିଲାଟିକୁ ଉପରକୁ ଆଣି ତାର ପେଟ କୁ ଚିପି ପାଣି ବାହାର କରିବା ପରେ ପିଲାଟିର ହୋସ୍ ଆସିଥିଲା । ପିଲାଟିକୁ ସଙ୍ଗେ ସଙ୍ଗେ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରକୁ ନେଇଯାଇଥିଲେ । ସେଠାରେ ଡାକ୍ତର ଚିକିତ୍ସା ଆରମ୍ଭ କରି ପିଲାଟିର ଜୀବନ ବଞ୍ଚେଇଥିଲେ  । କାର ରେ ଥିବା ଅନ୍ୟ ୩ ଜଣଙ୍କ ମଧ୍ୟରୁ ଜଣଙ୍କ ସ୍ୱାସ୍ଥ୍ୟବସ୍ଥା ଗୁରୁତର ଥିଲା । ତାଙ୍କ ନାମ ଶ୍ରୀଧର ମହାନ୍ତି , ବୟସ ୫୮ ବର୍ଷ । ତାଙ୍କୁ ତୁରନ୍ତ ଚାରିଛକ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଥିଲା । କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଏବେ ଆଉ ଦୁଇ ଜଣ ଡାକ୍ତରଖାନାରେ ଚିକିତ୍ସା ହେଉଛନ୍ତି ।

ଏପଟେ ଦୁର୍ଘଟଣା ଘଟିବାର ଦୀର୍ଘ ସମୟ ପରେ ମଧ୍ୟ ଘଟଣାସ୍ଥଳକୁ ଆମ୍ବୁଲାନ୍ସ ପହଞ୍ଚିନଥିଲା । ବିଳମ୍ବ ହେବା କାରଣରୁ ହିଁ ଜଣଙ୍କର ଜୀବନ ଯାଇଛି ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ଏପଟେ ଦୁର୍ଘଟଣା ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିଲା । କିନ୍ତୁ ପୋଖରୀ ଭିତରେ ପଶି ବହୁତ ଖୋଜାଖୋଜି କରିବାରୁ କେହି ନଥିବାର ଜଣାପଡିଛି ।

ଆଗକୁ ପଢନ୍ତୁ :- ଅସୁସ୍ଥ ହାତୀ ଶାବକଟିର ମୃତ୍ୟୁ