ଦୀପାବଳୀ ଆମ ପାଇଁ ଖୁସି ସହ ଆଲୋକର ପର୍ବ ଆଉ ଏହି ପର୍ବକୁ ଉତ୍ସାହର ସହ ପାଳନ କରିଥାଉ । ଦୀପାବଳି ରେ ବାଣ ଫୁଟାଇବା ବେଶ ଖୁସି ଦେଇଥଏ ହେଲେ ବେଳେବେଳେ ସାମାନ୍ୟ ଅସାବଧାନତାରୁ ଘଟେ ବଡ଼ ଘଟଣା । ଦୀପାବଳିରେ ରାଜ୍ୟର ବିଭିନ୍ନ ସ୍ଥାନରେ ଘଟିଛି ସେହିପରି  ଅଘଟଣ । ବାଣ ଫୁଟାଇବାବେଳେ  ସାମାନ୍ୟ ଅସାବଧାନତା କାରଣରୁ ଘଟିଛି ବଡ଼ ଦୁର୍ଘଟଣା | ସମ୍ବଲପୁର କ୍ଷେତରାଜପୁରରେ  ଆପାର୍ଟମେଣ୍ଟର ୩ୟ ମହଲା ବାଣ ପଡି ଜଳିଯାଇଛି ।

ସୂଚନା ଅନୁଯାୟୀ  ଗତକାଲି ରାତି ପ୍ରାୟ ୯ ଟା ସମୟରେ  ଆପାର୍ଟମେଣ୍ଟ ବାହାରେ  କିଛି ଯୁବକ ବାଣ ଫୁଟାଉଥିଲେ । ତେବେ ଏକ ରକେଟ ବାଣ ଝରକା ପଟେ ଆପାର୍ଟମେଣ୍ଟର ୩ୟ ମହଲାର ଗୋଟିଏ ଫ୍ଲାଟର ଜଣକ ଘର ଭିତରେ  ଯାଇ ପଡିଥିଲା ।ଏହା ପରେ ନିଆଁ ଲାଗିଯାଇ ସମ୍ପୃକ୍ତ ଘରର ଆସବାବପତ୍ର ପୋଡି ଯାଇଥିଲା  ।ତେବେ ସମ୍ପୂର୍ଣ୍ଣ  ନିଆଁ ଚାରିଆଡେ ବ୍ୟାପିବା ଆଗରୁ ଲୋକମାନେ ଅଗ୍ନିଶମ ବାହିନୀ କୁ ଖବର ଦେଇଥିଲେ । ଅଗ୍ନୀଶମ ବାହିନୀ ଘଟଣା ସ୍ଥଳରେ ପହଂଚି ନିଆଁକୁ ଆୟତ୍ତ କରିଥିଲେ | ତେବେ ସୌଭାଗ୍ୟବଶତଃ  ଘରେ କେହି ନ ଥିବାରୁ କାହାର  ଜୀବନହାନି ଘଟିନାହିଁ  ।

ଅଧିକ ପଢନ୍ତୁ ;- ଦୀପାବଳିରେ ରାଜ୍ୟର ବିଭିନ୍ନ ସ୍ଥାନରେ ଅଘଟଣ