ବରଗଡ : ଉତ୍ତରାଞ୍ଚଳ ରାଜସ୍ୱ ଆୟୁକ୍ତ ସଚିନ ରାମଚନ୍ଦ୍ର ଯାଦବ ଦିନିକିଆ ବରଗଡ ଜିଲ୍ଲା ଗସ୍ତରେ ଆସିଥିଲେ। ଏହି ଗସ୍ତ ରେ ସେ ବରଗଡ଼ ଗୋରୁ ମାର୍କେଟ ଏଵଂ ବେହେରା ମାର୍କେଟ ୟାର୍ଡ଼ ପରିଦର୍ଶନ କରିବା ସହ ଖରିଫ ଧାନ କିଣା ପ୍ରକ୍ରିୟା ତଥା ମଣ୍ଡିରେ ଚାଷୀଙ୍କ ପାଇଁ ଉପଲବ୍ଧ ସୁବିଧା ଗୁଡିକର ତଦାରଖ କରିଛନ୍ତି ।
ପରିଦର୍ଶନ ସମୟରେ ଶ୍ରୀ ଯାଦବ ଧାନ କ୍ରୟ ସମୟରେ ବ୍ୟବହୃତ ହେଉଥିବା ସମସ୍ତ ଯନ୍ତ୍ରପାତିର ପରିଚାଳନା ପ୍ରକ୍ରିୟା ପଚାରି ବୁଝି ମଣ୍ଡିରେ ନିୟୋଜିତ ଥିବା କର୍ମଚାରୀ ଏବଂ ଉପସ୍ଥିତ ଚାଷୀଙ୍କ ସହ ବିଭିନ୍ନ ବିଷୟରେ ଆଲୋଚନା କରିଥିଲେ। ଏଥିସହ ଜିଲ୍ଲା ନିରୀକ୍ଷଣ କକ୍ଷରେ ନିୟୋଜିତ କର୍ମଚାରୀଙ୍କ ସହ ନିରୀକ୍ଷଣ କକ୍ଷର ପରିଚାଳନା ବିଷୟରେ ପଚାରି ବୁଝିଥିଲେ ।