ଭୁବନେଶ୍ୱର : ଗୁରୁବାର ରାଜଧାନୀ ଭୁବନେଶ୍ୱରରେ ଏକ ମଠ ଉପରକୁ  ବୋମାମାଡ ହୋଇଛି । ପୁରୁଣା ଭୁବନେଶ୍ୱରସ୍ଥିତ ତ୍ରିଦଣ୍ଡୀ ଗୌଡି ମଠ ଉପରକୁ ବୋମାମାଡ ହୋଇଛି । ବୋମାମାଡ ଫଳରେ ମଠ ଘରର ଛାତ ଉଡି ଯାଇଛି । ମଠ ଦାୟିତ୍ୱରେ ଥିବା ଜଣେ ବାବା ପୋଡି ହୋଇ ଗୁରୁତର ଭାବେ ଆହତ ହୋଇଛନ୍ତି । ମଠ ମାଲିକଙ୍କ ମଧ୍ୟରେ ବିବାଦକୁ ନେଇ ବୋମାମାଡ ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି । ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ଯାହା ଜଣାପଡିଛି କିଛିଦିନ ହେବ ମଠର ମହନ୍ତଙ୍କ ସହ ଜମିବାଡ଼ିକୁ ନେଇ କୌଣସି କାରଣରୁ ବିବାଦ ଥିଲା । ଯେଉଁଥିପାଇଁ ଏଭଳି ଘଟଣା ଘଟିଥାଇପାରେ ସୂଚନା ରହିଛି ତେବେ ତଦନ୍ତ ପରେ ଘଟଣା ପଛର  ସତ୍ୟ ଜଣାପଡିବା ।