ପବିତ୍ର ଦଶହରା ଅବସରରେ ବଲାଙ୍ଗିର ସହରର ଚଳଚଞ୍ଚଳ ହୋଇଉଠିଛି । ବିଭିନ୍ନ ଦେବୀ ପୀଠ ଓ ପୂଜା ମଣ୍ଡପରେ ମା ଙ୍କ ପୂଜାର୍ଚ୍ଚନା କରାଯାଉଛି । ଏହି ଉପଲକ୍ଷେ ବଲାଙ୍ଗିର ପୌରାଧ୍ୟକ୍ଷା ଲିକା ସାହୁ ବିଭିନ୍ନ ପୂଜା ମଣ୍ଡପ ପରିଦର୍ଶନ କରି ମା ନକର ଆଶୀର୍ବାଦ ଗ୍ରହଣ କରିଛନ୍ତି । ଏହି ଅବସରରେ ସେ ଦୁର୍ଗାପୂଜା ଉପଲକ୍ଷେ ବଲାଙ୍ଗିର ସହରବାସୀଙ୍କ ଶୁଭେଚ୍ଛା ଜଣାଇବା ସହିତ ଶାନ୍ତି ଶୃଙ୍ଖଳାର ସହିତ ମାଙ୍କର ଦର୍ଶନ କରିବାକୁ ନିବେଦନ କରିଥିଲେ । ସେ ଆହୁରି କହିଥିଲେ ଯେ ଦୁର୍ଗାପୂଜା ହେଉଛି ଅସତ୍ୟ ଉପରେ ସତ୍ୟର ବିଜୟ । ଏହା ନାରିଶକ୍ତି କୁ ପରିପ୍ରକାଶ କରିଥାଏ। ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ମହାଆଡ଼ମ୍ବରରେ ମା ଙ୍କର ପୂଜାର୍ଚ୍ଚନା କରାଯାଉଛି । ଆକର୍ଷଣୀୟ ମେଢ଼ ଏବଂ ଲାଇଟ ସାଜସଜ୍ଜାରେ ବଲାଙ୍ଗିର ସହର ସଜେଇ ହୋଇଛି। ପୌରାଧ୍ୟକ୍ଷା ଲିକା ସାହୁ ସହରର ମେଢ଼ ମାନେ ବୁଲି ବୁଲି ମା ଙ୍କର ଆଶୀର୍ବାଦ ନେଇଛନ୍ତି।