ଗାଡି ଦୁର୍ଘଟଣାରେ କଲରାପତରିଆ ବାଘର ମୃତ୍ୟୁ । ଗଞ୍ଜାମ ଜିଲ୍ଲା ଘୁମୁସର ବନଖଣ୍ଡ ମୁଜାଗଡ଼ ଗାଁ ନିକଟ ମୁଖ୍ୟରାସ୍ତାରୁ ଗୁରୁତର ଭାବେ ଆହତ ହୋଇଥିବା ଏକ କଲରାପତରିଆ ବାଘକୁ ଉଦ୍ଧାର କରାଥିଲା ବନବିଭାଗ। ଗତକାଲି ବିଳମ୍ବିତ ରାତି ପ୍ରାୟ ୨ଟା ବେଳେ କୌଣସି ଏକ ଭାରି ଯାନ କଲରାପତରିଆ ବାଘ ସହ ଧକ୍କା ହେବାଫଳରେ ସେ ତଳେ ପଡି ଛଟପଟ ହେଉଥିବା ଦେଖିବାକୁ ମିଳିଥିଲା ।

ସୂଚନା ଅନୁସାରେ , ମଙ୍ଗଳବାର ଗଞ୍ଜାମ ଜିଲ୍ଲା ଘୁମୁସର ବନଖଣ୍ଡ ମୁଜାଗଡ଼ ଗାଁ ନିକଟ ମୁଖ୍ୟରାସ୍ତାରୁ ବିଳମ୍ବିତ ରାତି ପ୍ରାୟ ୨ଟା ବେଳେ କୌଣସି ଏକ ଭାରି ଯାନ କଲରାପତରିଆ ବାଘ ସହ ଧକ୍କା ହୋଇଥିଲା ଯାହାଫଳରେ ବାଘଟି ଦେହରେ ଖୁବ ଜୋରେ ଆଘାତ ଲାଗିଥିଲା। ସ୍ଥାନୀୟ ଲୋକଙ୍କଠାରୁ ଖବର ପାଇ ବନବିଭାଗ କର୍ମଚାରୀ ଓ ପୋଲିସ ପହଞ୍ଚି କଲରାପତରିଆ ବାଘଟିକୁ ଭଞ୍ଜନଗର ପଶୁ ଚିକିତ୍ସାଳୟକୁ ନେବା ବେଳେ ସେଠାରେ ତାର ମୃତ୍ୟୁ ହୋଇଥିବା ଜଣାପଡିଛି । କଲରାପତରିଆ ବାଘଟିର ବୟସ ୪ରୁ ୫ବର୍ଷ ହେବ ବୋଲି ଅନୁମାନ କରାଯାଉଛି । ତେବେ କେମିତି ଏହି ଦୁର୍ଘଟଣା ଘଟିଲା ସେ ନେଇ ତଦନ୍ତ କରୁଛି ବନବିଭାଗ ।