ସୁନ୍ଦରଗଡ଼: ଦୀପାବଳି ଆରମ୍ଭ ନହେଉଣୁ ଘଟିଗଲା ଅଘଟଣ। ବାଣ ନିଆଁରୁ ନିଆଁ ଲାଗି ଜଳି ପୋଡି ଛାରଖାର ହୋଇଗଲା ବୃଦ୍ଧାଙ୍କ ଘର। ଭାଗ୍ୟବଶତଃ ଅଳ୍ପକେ ରକ୍ଷା ପାଇଯାଇଛନ୍ତି ବୃଦ୍ଧା ଜଣକ। ଏଭଳି ଦୁଖଦ ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲାର ମହାଦେବପାଲି ପଞ୍ଚାୟତ ଅନ୍ତର୍ଗତ ସକମା ଗାଁଠାରେ। ଅଗ୍ନିଶମ ବିଭାଗ ଅଧିକାରୀ ଘଟଣା ସ୍ଥଳରେ ପହଞ୍ଚି ଅଗ୍ନିକୁ ଆୟତ କରିଥିଲେ।  

ସୂଚନାଯୋଗ୍ୟ ଗୁରୁବାର ସକାଳେ କିଛି ପିଲ୍ଲା ମାନେ ବୃଦ୍ଧାଙ୍କ ଘର ପାଖରେ ବାଣ ଫୁଟାଉଥିଲେ। ସେହି ସମୟରେ ବାଣରୁ ନିଆଁ ବୃଦ୍ଧାଙ୍କ ଚାଲ ଛପର ଉପରେ ପଡି ଘରେ ନିଆଁ ଲାଗିଯାଇଥିଲା। ସୌଭାଗବଶତଃ ବୃଦ୍ଧା ଜଣକ ସେହି ସମୟରେ ଘର ବାହାରେ ଥିଲେ। ଗ୍ରାମବାସୀ ଏସଂକ୍ରାନ୍ତରେ ଅଗ୍ନିଶମ ବାହିନୀକୁ ଅବଗତ କରିଥିଲେ। ମାତ୍ର ଅଗ୍ନିସହ ବାହିନୀ ଘଟଣାସ୍ଥଳରେ ପହଞ୍ଚିବା ବେଳକୁ ବୃଦ୍ଧାଙ୍କ ଘର ପୋଡି ଜଳି ଛାରଖାର ହୋଇଯାଇଥିଲା।