ଦେବଗଡ଼ : ସୋମବାର ଦେବଗଡ଼ ଜିଲ୍ଲାର ନୂଆ ଜିଲ୍ଲାପାଳ ଭାବେ ଦାୟିତ୍ଵ ଗ୍ରହଣ କଲେ ବରିଷ୍ଠ ଅଧିକାରୀ କବିନ୍ଦ୍ର କୁମାର ସାହୁ । ସେ ନୂତନ ଭାବେ ଦାୟିତ୍ୱ ନେଇଥିବା ଉପଜିଲ୍ଲାପାଳ ରେବିକା ଵିନୁଙ୍କ ଠାରୁ ଦାୟିତ୍ଵ ଗ୍ରହଣ କରିଥିଲେ । ପରେ ନୂତନ ଜିଲ୍ଲାପାଳଙ୍କୁ ସ୍ୱାଗତ କରାଯାଇଥିଲା । ତା ପରେ ସେ ଗଣମାଧ୍ୟମକୁ ନିଜର ପ୍ରତିକ୍ରିୟା ଦେଇ କହିଥିଲେ ଯେ, ଦେବଗଡ଼ ଜିଲ୍ଲା ଏକ ଚାଷୀ ବହୁଳ ଜିଲ୍ଲା ସେଥିପାଇଁ ଦୃଷ୍ଟି ଦେବା ସହିତ ଶିକ୍ଷା, ଗମନାଗମନ ଓ ସ୍ୱାସ୍ଥ୍ୟ ଉପରେ ଗୁରୁତ୍ୱ ଦିଆଯିବ । ଜିଲ୍ଲାର ସାମଗ୍ରିକ ବିକାଶ ଉପରେ ଗୁରୁତ୍ୱ ଦେବେ ନୂଆ ଜିଲ୍ଲାପାଳ ।