ଜଗତସିଂହପୁର: ସୁନା ଚୋରି ଘଟଣାର ପର୍ଦ୍ଦାଫାଶ ପାଞ୍ଚଜଣଙ୍କୁ  ଗିରଫ କଲା କୁଜଙ୍ଗ  ପୋଲିସ । ୫ ଅଭିଯୁକ୍ତଙ୍କୁ ଗିରଫ କରିବା ସହ ସେମାନଙ୍କଠାରୁ  ୫ ଲକ୍ଷ ଟଙ୍କାର ସୁନା  ସହ  ମୋବାଇଲ  ବାଇକ  ଓ  କାର ଜବତ କରାଯାଇଛି । ଅଭିଯୁକ୍ତଙ୍କୁ ଧରି  କୋର୍ଟ ଚାଲାଣ କରାଯାଇଛି  ।

ସୂଚନା ଅନୁସାରେ , ଗତ ୨ ତାରିଖରେ କୁଜଙ୍ଗ ଥାନା ଅଧିନ ଜନାର୍ଦ୍ଦନପୁର ଗ୍ରାମର ନିରଞ୍ଜନ ଗୋଛୟତ ଘରେ ନଥିବା ବେଳେ ତାଙ୍କ ଘର ତାଲା ଭାଙ୍ଗି ସମସ୍ତ ଟଙ୍କା ଓ ସୁନା ଅଳଙ୍କାର  ଦୁର୍ବୃତ୍ତମାନେ ଲୁଟି ନେଇଥିଲେ । ଏନେଇ ନିରଞ୍ଜନଙ୍କ ପୁଅ ଗୋଲେଖ  ପ୍ରଧାନ ଓ ବୋହୁ ସାବିତ୍ରୀ ପ୍ରଧାନ ଥାନାରେ ଏକ ଲିଖିତ ଅଭିଯୋଗ କରିଥିଲେ । ଅଭିଯୋଗ ଆଧାରରେ କୁଜଙ୍ଗ ଥାନା  ପୋଲିସ, ସାଇଣ୍ଟିଫିକ୍  ଟିମ୍ , ଡଗ୍  ସ୍କ୍ୱାର୍ଡ  ଓ ସାଇବରର ସାହାଯ୍ୟରେ ୫ ଦୁର୍ବୃତ୍ତଙ୍କୁ ଧରିବାରେ ସଫଳ ହୋଇଛି । ସେମାନଙ୍କ ଠାରୁ ଚୋରି ହୋଇଥିବା ସୁନା ଓ ଟଙ୍କା ସହିତ ଗୋଟିଏ କାର୍ ,  ୩ଟି ମୋଟରସାଇକେଲ୍  ଓ  ୪ଟି  ମୋବାଇଲ ଜବତ କରିଛି  ପୋଲିସ । ଏନେଇ  କୁଜଙ୍ଗ ଥାନା ପୋଲିସ ତରଫରୁ ଏକ ସାମ୍ବାଦିକ ସମ୍ମିଳନୀ ଜରିଆରେ ଅଭିଯୁକ୍ତ  ୫ଜଣଙ୍କୁ  କୋର୍ଟ ଚାଲାଣ କରିଥିବା ନେଇ ତିର୍ତ୍ତୋଲ ଏସ୍.ଡି.ପିଓ ପ୍ରକାଶ  କରିଛନ୍ତି ।