ଗଜପତି: ମଙ୍ଗଳବାର ଗଜପତି ଜିଲ୍ଲା କାସିନଗର ବ୍ଳକର ହାଡୁଭଙ୍ଗୀ ଛକରେ ରାସ୍ତା ରୋକ ହେବା ଫଳରେ ପାରଳାଖେମୁଣ୍ଡି ଗୁଣୁପୁର ରାସ୍ତା ଅବରୋଧ ହୋଇଛି ।  ଫଳରେ ଯାନବାହାନ ଚଳାଚଳ ବନ୍ଦ ଥିବାବେଳେ ଯାତ୍ରୀ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ରାସ୍ତାରେ ବସିଛନ୍ତି ଶହଶହ ଚାଷୀ।  ଉଭୟ ପାର୍ଶ୍ଵରେ ଶହଶହ ଗାଡ଼ି ଅଟକି ରହିଛି। ଯାତାୟତ ଠପ୍ ହୋଇରହିଛି। ଚାଷୀମାନେ ବିଭିନ୍ନ ସମସ୍ୟା ନେଇ ରାସ୍ତା ଅବରୋଧ କରିଛନ୍ତି । 

ସରକାରଙ୍କ ପକ୍ଷରୁ ଚାଷୀମାନଙ୍କୁ ହଇରାଣ ନ କରିବା ପାଇଁ ସମସ୍ତ ବ୍ୟବସ୍ଥା କରାଯାଇଥିଲେ ମଧ୍ୟ  ପାରଳାଖେମୁଣ୍ଡିରେ ଏହାର ବ୍ୟତିକ୍ରମ ଦେଖିବାକୁ ମିଳିଛି ।  ଧାନ ମଣ୍ଡିରେ ବ୍ୟବସ୍ତା କରିବା ପାଇଁ ସରକାର ନିଷ୍ପତ୍ତି ନେଇଥିଲେ କିନ୍ତୁ ଏଠାରେ ଧାନ ମଣ୍ଡିରେ ଧାନ ରଖିବା ପାଇଁ କୌଣସି ବ୍ୟବସ୍ଥା ହୋଇନଥିବା ଦାବି ହୋଇଛି ।  କାସିନଗର ବ୍ଳକ ର ହାଡୁଭଙ୍ଗୀ ଛକରେ ଟ୍ରାକ୍ଟରରେ ଧନ ରଖି ବସିଛନ୍ତି ଚାଷୀ । ଘଟଣାସ୍ଥଳରେ କାଶୀନଗର ପୋଲିସ ଓ ପ୍ରଶାସନ ପହଞ୍ଚି ବୁଝାସୁଝା କରିଥିଲେ ମଧ୍ୟ ଚାଷୀମାନେ ବୁଝି ନ ଥିଲେ ।  ତୁରନ୍ତ ଏନେଇ ସମସ୍ୟାର ସମାଧାନ କରିବା ପାଇଁ ସେମାନେ ଆଶା ପ୍ରକଟ କରିଛନ୍ତି ।