ସୁନ୍ଦରଗଡ଼: ସୁନ୍ଦରଗଡ଼ ଜିଲ୍ଲା ବଣାଇ ଥାନା ଅଞ୍ଚଳର ଧରଣୀଧର ପାଲି ନିକଟରେ ସଡ଼କ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ଚାଷୀଙ୍କ ସହ ଦୁଇ ବଳଦ ଉପରେ ଅଜଣା ଗାଡ଼ି ମାଡିଯାଇଛି । ଫଳରେ ଦୁର୍ଘଟଣାରେ ଚାଷୀଙ୍କ ସହ ଦୁଇ ବଳଦଙ୍କର ମୃତ୍ୟୁ ହୋଇଛି l ମୃତକ ଜଣକ ସଂକାଳି ପାତ୍ର ବୋଲି ଜଣାପଡିଛି । 

ସୂଚନା ଅନୁସାରେ, ଆଜି ସକାଳ ସମୟରେ ସଂକାଳି ପାତ୍ର ଦୁଇଟି ବଳଦ ନେଇ ହାଟକୁ ଯାଉଥିବା ସମୟରେ ଏକ ଅଜଣା ଗାଡ଼ି ଚାଷୀଙ୍କ ସହ ଦୁଇ ବଳଦଙ୍କୁ ଧକ୍କା ଦେଇଥିଲା । ଦୁର୍ଘଟଣାରେ ହିଁ  ଚାଷୀଙ୍କ ସହ ଦୁଇ ବଳଦଙ୍କର ଜୀବନ ଚାଲିଯାଇଥିଲା । ଖବର ପାଇ, ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇଛି l ପୋଲିସ ଏହି ଘଟଣାର ତଦନ୍ତ କରୁଛି । ଏହି ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ସୃଷ୍ଟି ହୋଇଛି ।