ଦୀପାବଳିରେ ଘଟିଲା ଭୟଙ୍କର ଅଗ୍ନିକାଣ୍ଡ । ଦୀପ ନିଆଁରେ ଜଳିଗଲା ୨ ମହଲା ବିଶିଷ୍ଟ କୋଠା ଘର ।ସୂଚନା ଅନୁସାରେ , ଏମିତି ଏକ ଭୟଙ୍କର ଅଗ୍ନିକାଣ୍ଡ ରାଉରକେଲା ସହର କୋଏଲ ନଗରରେ ଘଟିଛି । ଏତେ ବଡ଼ ଅଗ୍ନିକାଣ୍ଡରେ କାହାର କିଛି କ୍ଷତି ହୋଇନଥିବାର ଜଣାପଡିଛି ।

ଦୀପ ନିଆଁରୁ ଅଗ୍ନିକାଣ୍ଡ ଘଟିଥିବାର ଅନୁମାନ କରାଯାଉଛି । ତେବେ ନିଆଁ ଲାଗିଥିବା ଘରେ ଜଣେ ଶିଶୁ ଓ ମାଆ ଫସି ରହିଥିଲେ । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରି ଶିଶୁ ଓ ମାଆକୁ ଉଦ୍ଧାର କରିଛି । ଉଭୟ ଶିଶୁ ଓ ମା ସୁରକ୍ଷିତ ଅବସ୍ଥାରେ ଅଛନ୍ତି । ଏହି ଅଗ୍ନିକାଣ୍ଡରେ ଘରର ବହୁ ମୂଲ୍ୟବାନ ସମ୍ପତି ପୋଡି ନଷ୍ଟ ହୋଇଯାଇଛି । ଆଜି ଦିନ ପ୍ରାୟେ ୧୦ଟା ସମୟରେ ଏହି ଅଗ୍ନିକାଣ୍ଡ ଘଟିଥିଲା ବୋଲି ଖବର ମିଳିଛି । ଦୀପ ନିଆଁ ପାଖରେ ଥିବା ପେଟିରେ ନିଆଁ ଲାଗିଯାଇଥିଲା ପରେ ଏହା ଘରସାରା ବ୍ୟାପିଥିଲା । ଅଗ୍ନିକାଣ୍ଡରେ ଘରର ସମସ୍ତ ଆସବାବ ପତ୍ର ପୋଡ଼ି ଯାଇଛି । ପ୍ରବଳ ଧୂଆଁ ବାହାରୁଥିବାରୁ ନିଆଁ ଲିଭାଇବା ପାଇଁ ଅଗ୍ନିଶମ ବାହିନୀଙ୍କ ପାଇଁ ଖୁବ କଷ୍ଟକର ହୋଇଥିଲା ।

ଆଗକୁ ପଢନ୍ତୁ :- ଦୀପାବଳିରେ ବାଣ ଫୁଟାଇବାବେଳେ ଆପାର୍ଟମେଣ୍ଟରେ ଲାଗିଲା ନିଆଁ