ଭୁବନେଶ୍ୱର: ରାଜ୍ୟର ସରକାର ଓଏଏସ୍ ଅଧିକାରୀଙ୍କ ପଦୋନ୍ନତି ଓ ବଦଳି କରିଛନ୍ତି । ୧୦ ଜଣ ଓଏଏସ ଅଧିକାରୀଙ୍କର ମଣ୍ଡଳ ଉନ୍ନୟନ ଅଧିକାରୀ ପାହ୍ୟାକୁ ପଦୋନ୍ନତି ହୋଇଛି । ରାୟଗଡ଼ା କୋଲନରା ତହସିଲଦାର ଆକାଶ ରଞ୍ଜନ ସାହୁ ନାକଟିଦେଉଳ ବିଡ଼ିଓ ହୋଇଛନ୍ତି । ଯାଜପୁର ଡିଏସ୍ଆର୍ ତିଳୋତ୍ତମା ପୃଷ୍ଟି କେନ୍ଦ୍ରାପଡ଼ା ରାଜନଗର ବ୍ଲକକୁ ବଦଳି ହୋଇଛି । ନୟାଗଡ଼ ଗଣିଆ ତହସିଲଦାର ପ୍ରୀତିବାଳା ରଣା ଓଡ଼ଗାଁକୁ ବଦଳି ହୋଇଯାଇଛନ୍ତି । ଶତର କୁମାର ବାଗ ସୁବର୍ଣ୍ଣପୁର ବିନିକା ବ୍ଲକୁ ବଦଳି ହୋଇଛନ୍ତି । ସେ ବର୍ତ୍ତମାନ ଯାଜପୁର ସୁକିନ୍ଦା ଜଳ ସେଚନ ବିଭାଗରେ କାର୍ଯ୍ୟରତ ଅଛନ୍ତି । ସେହିପରି ରାୟଗଡ଼ା କାଶୀପୁର ବ୍ଲକ୍ ତହସିଲଦାର ସୁନୀଲ କୁମାର ଟୁଡୁ ବାଲେଶ୍ୱର ସିମୁଳିଆକୁ ବଦଳି ହୋଇଛନ୍ତି । କେନ୍ଦ୍ରାପଡ଼ା ମହାକାଳପଡ଼ା ବ୍ଲକକୁ ଆସିଛନ୍ତି ସୁବର୍ଣ୍ଣପୁର ବିଡ଼ିଓ ସଞ୍ଜୀବ କୁମାର ସାହୁ । ମହାକାଳପଡ଼ା ବିଡ଼ିଓ ସୌମ୍ୟାଶ୍ରୀ ପାଣିଗ୍ରାହୀ, ଦେବଗଡ଼ ଉପଜିଲ୍ଲାପାଳ ଅର୍ଜୁନୀ କୁଜୁର ଏବଂ ବେଲଗୁଣ୍ଠା ବିଡ଼ିଓ ଜୟଜଗତ ସାହୁ ଆର୍ ଏଣ୍ଡ୍ ଡିଏମ୍ ବିଭାଗକୁ ଆସିଛନ୍ତି ।