ପାରାଦ୍ୱୀପ: ଜାହାଜରେ ଲାଗିଲା ନିଆଁ ।  ପାରାଦୀପ ବନ୍ଦରରେ ଅଘଟଣ ।  ଲୋଡିଂ ବେଳେ ଜାହାଜରେ ଲାଗିଲା ନିଆଁ । ପାରାଦ୍ଵୀପ ବନ୍ଦରରେ ଏକ ଜାହାଜରେ କୋଇଲା ବୋଝେଇ ସମୟରେ କୋଇଲାରେ ନିଆଁ ଲାଗି ଜୋରରେ ଧୂଆଁ ବାହାରୁ ଥିବା ଦେଖିବାକୁ ମିଳିଥିଲା । ଯାହା ଫଳରେ ସାରା ଅଞ୍ଚଳ ଧୂଆଁମୟ ହୋଇଯାଇଥିଲା । ପାରାଦ୍ଵୀପ ବନ୍ଦର ଚେନ୍ନାଇରାଧା ବର୍ଥରେଏଭଳି ଅଘଟଣ ଘଟିଥିବା ସୂଚନା ମିଳିଛି  ।

ତେବେ ଇକୋ କୋଲୋନେଲ  ମନୋରଭିଆ ନାମକ ଜାହାଜ ରେ କୋଇଲା ଲୋଡିଂ ସମୟରେ  ନିଆଁ ଲାଗିଥିବା ଦେଖିବାକୁ ମିଳିଥିଲା । ଚେନାଇରାଧା ବର୍ଥରେ କନଭର ବେଲ୍ଟ ଦ୍ବାରା ଜାହାଜରେ ଲୋଡିଂ ହେଉଥିଲା ଥର୍ମାଲ କୋଇଲା । ନିଆଁ ଲାଗିବାରୁ ଜାହାଜକୁ CQ-2 ବର୍ଥକୁ ଅଣାଯାଇ ଜାହାଜରୁ କୋଇଲା କଢାଯାଇ ପାଣି ମରାଯାଇଛି । 

ତେବେ ଥର୍ମାଲ କୋଇଲା ଗୁଡିକ ସାଧାରଣତଃ ଗରମ ରହିଥାଏ, ସେଗୁଡ଼ିକୁ ଜାହାଜରେ ଲୋଡିଂ ସମୟରେ ପାଣି ମାରି ଲୋଡିଂ କରାଯାଇଥାଏ । କିନ୍ତୁ  ଗତକାଲି ବିଳମ୍ବିତ ରାତିରେ କୋଇଲା ଲୋଡିଂ ସମୟରେ ପାଣି ମରାଯାଇନଥିବା ରୁ ଏଭଳି ଅଘଟଣ ଘଟିଥିବା ଅନୁମାନ କରାଯାଉଛି । ନିଆଁ ଓ ଧୂଆଁ ଦେଖିବା ପରେ ଜାହାଜକୁ CQ-2 ବର୍ଥ କୁ ସିଫ୍ଟ କରାଯାଇ କୋଇଲା କଢାଯିବା ସହିତ ସେଥିରେ ପାଣି ମାରି ନିଆଁକୁ ଲିଭାଯାଇଛି ।