କେନ୍ଦୁଝର : ଜଣେ କାର୍ଯ୍ୟରତ ପୋଲିସକୁ ବାନ୍ଧି ଜେଲ ପଠାଇଛି ପୋଲିସ। ଏହିଭଳି ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲାର ତେଲକୋଇ ଥାନାରେ। ଏଠାରେ କାର୍ଯ୍ୟରତ ଜଣେ ପୋଲିସ କନେଷ୍ଟବଳଙ୍କୁ ଗିରଫ କରି କୋର୍ଟ ଚାଲାଣ କରିଛି। 

ସୂଚନା ଅନୁଯାୟୀ ଗିରଫ ପୋଲିସ କର୍ମଚାରୀ ଜଣକ ହେଲେ ଗୌରହରି ପାତ୍ର। ତାଙ୍କ ଅପରାଧ ହେଲା ବେଆଇନ ଗୋ ମାଫିଆଙ୍କ ସହିତ ସେ ଜଡିତ ରହିଥିଲେ। ବିଭିନ୍ନ ସମୟରେ ପୋଲିସ ର ଗତିବିଧି ସମ୍ପର୍କରେ ଗୋ ମାଫିଆଙ୍କୁ ଆଗୁଆ ସୂଚନା ଦେଇ ଆସୁଥିଲା।ଫଳରେ ଅନେକ ସମୟରେ ପୋଲିସକୁ ଚକମା ଦେଇ ଗୋ ମାଫିଆ ମାନେ ଖସିଯିବାକୁ ସମର୍ଥ ହେଉଥିଲେ।ଏସମ୍ପର୍କରେ ପୁଲିସ ଗୋଇନ୍ଦା ବିଭାଗ ପକ୍ଷରୁ ତୀକ୍ଷ୍ଣ ନଜର ରଖାଯିବା ସହିତ ମୋବାଇଲ୍ ଟ୍ରାକ୍ କରାଯାଇଥିଲା। ପୁଲିସ ଜଣକ ଏଥିରେ ସଂପୃକ୍ତି ଥିବା ଜଣାପଡିଥିଲା। ତେବେ ଶୁକ୍ରବାର ତେଲକୋଇ ପୋଲିସ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛି।