ଭାରତ ଓ ଶ୍ରୀଲଙ୍କା ମଧ୍ୟରେ ୨୭ ଜୁଲାଇରୁ ଟି-୨୦ ସିରିଜ ଖେଳାଯିବ । ଏହି ସିରିଜରେ ଭାରତର ଟି-୨୦ ଅଧିନାୟକ ରୂପେ ହାର୍ଦ୍ଦିକ ପାଣ୍ଡ୍ୟାଙ୍କୁ ଦେଖିବାକୁ ମିଳିବ ବୋଲି ଚର୍ଚ୍ଚା ଚାଲିଛି । ଭାରତୀୟ ଦଳରେ ନୂଆ କୋଚଙ୍କ ସହ ଟି-୨୦ କ୍ରିକେଟ ପାଇଁ ନୂଆ ଅଧିନାୟକ ଦେଖିବାକୁ ମିଳିପାରେ ବୋଲି ଆଶା କରାଯାଉଛି ।
ଟି-୨୦ ବିଶ୍ୱକପ ୨୦୨୪ ର ଫାଇନାଲ ମ୍ୟାଚରେ ହାର୍ଦ୍ଦିକ ପାଣ୍ଡ୍ୟା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ବିସ୍ଫୋଟକ ଅନ୍ଦାଜରେ ବ୍ୟାଟିଂ କରୁଥିବା ହେନରୀକ କ୍ଳାସେନଙ୍କୁ ହାର୍ଦ୍ଦିକ ପାଣ୍ଡ୍ୟା ପ୍ୟାଭିଲିଅନକୁ ପଠାଇଥିଲେ । ଶେଷ ଓଭରରେ ଦୁଇଟି ୱିକେଟ୍ ନେଇ ୧୭ ବର୍ଷ ପରେ ଟି-୨୦ ବିଶ୍ୱକପ ଟ୍ରଫି ଜିତିବାରେ ମୁଖ୍ୟ ଭୂମିକା ଗ୍ରହଣ କରିଥିଲେ। ବିଶ୍ୱକପରେ ରୋହିତ ଶର୍ମା ଭାରତର ଅଧିନାୟକ ଥିବାବେଳେ ହାର୍ଦ୍ଦିକ ପାଣ୍ଡ୍ୟା ଦଳର ଉପ-ଅଧିନାୟକ ଥିଲେ।
ଟି-୨୦ ବିଶ୍ୱକପ ୨୦୨୪ ରେ ବିଜୟୀ ହେବା ପରେ ରୋହିତ ଶର୍ମା ଟି-୨୦ କ୍ରିକେଟରୁ ବିଦାୟ ନେଇଛନ୍ତି । ଯାହା ପରେ ଏହି ଫର୍ମାଟରେ ଟିମ୍ ଇଣ୍ଡିଆର ପରବର୍ତ୍ତୀ ଅଧିନାୟକ କିଏ ହେବେ ସେନେଇ ଚର୍ଚ୍ଚା ଚାଲିଛି । ତେବେ ଶ୍ରୀଲଙ୍କା ବିପକ୍ଷରେ ହାର୍ଦ୍ଦିକ ଦଳର ଅଧିନାୟକ ଭୂମିକାରେ ଦେଖାଯିବ ସହ ଦଳର ପରବର୍ତ୍ତୀ ଅଧିନାୟକ ହେବା ବୋଲି ଚର୍ଚ୍ଚା ହେଉଛି ।