ଏସିଆ କପ୍ ୨୦୨୩ର ଅନ୍ତିମ ମ୍ୟାଚ୍ ୧୭ ସେପ୍ଟେମ୍ବର ରବିବାର ଦିନ କଲମ୍ବୋର ଆର.ପ୍ରେମଦାସଠାରେ ଭାରତ ଏବଂ ଶ୍ରୀଲଙ୍କା ମଧ୍ୟରେ ଖେଳାଯିବ । ଶ୍ରୀଲଙ୍କାରେ ଏପର୍ଯ୍ୟନ୍ତ ଖେଳାଯାଇଥିବା ସମସ୍ତ ମ୍ୟାଚରେ ବର୍ଷା ସମସ୍ୟା ସୃଷ୍ଟି କରିଛି । ବର୍ଷା ହେତୁ ଟୁର୍ଣ୍ଣାମେଣ୍ଟରେ ଭାରତ ଏବଂ ପାକିସ୍ତାନ ମଧ୍ୟରେ ଲିଗ୍ ପର୍ଯ୍ୟାୟ ମ୍ୟାଚ୍ ବାତିଲ କରାଯାଇଥିଲା। ଫାଇନାଲ ମ୍ୟାଚ୍ ରେ ମଧ୍ୟ ପ୍ରବଳ ବର୍ଷା ହେବାର ସମ୍ଭାବନା ଅଛି ।

ପାଣିପାଗ ରିପୋର୍ଟ ଅନୁଯାୟୀ, ସେପ୍ଟେମ୍ବର ୧୭ରେ କଲମ୍ବୋରେ ପ୍ରାୟ ୮୦ ପ୍ରତିଶତ ବର୍ଷା ହେବ ବୋଲି ପୂର୍ବାନୁମାନ କରାଯାଇଛି। ମ୍ୟାଚ୍ ଦିନ ରାତି ୧ ଟାରୁ ସନ୍ଧ୍ୟା ୭ ଟା ପର୍ଯ୍ୟନ୍ତ ପ୍ରବଳ ବର୍ଷା ହୋଇପାରେ, ଯେଉଁଥିପାଇଁ ମ୍ୟାଚ୍ ରେ ଅସୁବିଧା ହୋଇପାରେ । ଏହା ବ୍ୟତୀତ ପବନର ବେଗ ଏହି ସମୟ ମଧ୍ୟରେ ଘଣ୍ଟା ପ୍ରତି ୧୫ ରୁ ୨୦ କିଲୋମିଟର ବହିପାରେ । ତାପମାତ୍ରା ୨୫-୩୦ ଡିଗ୍ରୀ ମଧ୍ୟରେ ରହିପାରେ, ଆର୍ଦ୍ରତା ପ୍ରାୟ ୮୦ ପ୍ରତିଶତ ରହିବ । ତେବେ ଫାଇନାଲ ମ୍ୟାଚ ପାଇଁ ସୋମବାର, ସେପ୍ଟେମ୍ବର ୧୮କୁ ରିଜର୍ଭ ଦିନ ଭାବରେ ରଖାଯାଇଛି ।

ରିଜର୍ଭ ଦିନରେ କୌଣସି ମ୍ୟାଚ ସେତେବେଳେ କାର୍ଯ୍ୟକାରୀ ହୁଏ ଯେତେବେଳେ ଦୁଇ ଦଳ ମଧ୍ୟରେ ଅତି କମରେ ୨୦  ଓଭର ଖେଳାଯାଇନାହିଁ । ଏହାର ଅର୍ଥ ହେଉଛି ବର୍ଷା ପ୍ରଭାବିତ ମ୍ୟାଚରେ ଯଦି ଟାର୍ଗେଟକୁ ଚେଜ୍ କରୁଥିବା ଦଳ ଅତି କମରେ ୨୦ ଓଭର ଖେଳିବାକୁ ଅସମର୍ଥ, ତେବେ ରିଜର୍ଭ ଦିନରେ ମ୍ୟାଚ୍ ସମାପ୍ତ ହେବ। ଯଦି ଦୁଇ ଦଳ ମଧ୍ୟରେ ଅତି କମରେ ୨୦-୨୦  ଓଭରର ଏକ ମ୍ୟାଚ୍ ସମାପ୍ତ ହୁଏ, ତେବେ ଡିଏଲ୍ଏସ୍(DLS) ଆଧାରରେ ମ୍ୟାଚର ଫଳାଫଳ ଘୋଷଣା ହେବ ।

ଅଧିକ ପଢନ୍ତୁ,ଆଜି ମୁହାଁମୁହିଁ ହେବେ ଭାରତ ଓ ବାଂଲାଦେଶ