ମ୍ୟାଚ୍ ସମୟରେ ଓ୍ଵାଙ୍ଖେଡ଼ା ଷ୍ଟାଡ଼ିୟମରେ ସିଏଏକୁ ନେଇ ବିରୋଧ ପ୍ରଦର୍ଶନ, ଏ ହେଉଛି କାରଣ
Khabar Odisha:sports--cricket--odisha-caa-protests-in-mumbais-wankhede-stadium-while-india-australia-match
ମୁମ୍ବାଇ, ଜାନୁଆରୀ୧୪(ଖବର ଓଡ଼ିଶା):

ମହାରାଷ୍ଟ୍ରର ରାଜଧାନୀ ମୁମ୍ବାଇର ଓ୍ଵାଙ୍ଖେଡ଼ା ଷ୍ଟାଡ଼ିୟମରେ ଆଜି ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ପ୍ରଥମ ଦିନିକିଆ ମ୍ୟାଚରେ କିଛି ଦର୍ଶକ ନାଗରିକତା ସଂଶୋଧିତ ଆଇନ ବିରୋଧରେ ପ୍ରଦର୍ଶନ କରିଛନ୍ତି। ଅନେକ ଦର୍ଶକ ଷ୍ଟାଡ଼ିୟମର ପାଭିଲିୟନରେ ସିଏଏ ଓ ଏନପିଆର ବିରୋଧରେ ଟି ସାର୍ଟ ପିନ୍ଧି ସରକାରଙ୍କ ନିର୍ଣ୍ଣୟକୁ ବିରୋଧ କରିଥିଲେ। ଏହି ବିରୋଧର କିଛି ଦୃଶ୍ୟ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି। 

ବିରୋଧ ପ୍ରଦର୍ଶନ କରୁଥିବା ଦର୍ଶକ କହିଛନ୍ତି ଯେ, ଆମକୁ କେବଳ ଦୁଃଖ ଏହା ଯେ ଅନେକ ଦିନ ଧରି ଜାରି ପ୍ରଦର୍ଶନ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଥରୁଟିଏ ମଧ୍ୟ ଛାତ୍ରଙ୍କ ସହ କଥା ହୋଇ ନାହାନ୍ତି। ଆମେ ଆମର ପ୍ରଧାନମନ୍ତ୍ରୀଙ୍କ ସହିତ ଆଲୋଚନା କରି ପାରୁନାହୁଁ। ଆମେ ଏଥିପାଇଁ ଷ୍ଟାଡ଼ିୟମରେ ବିରୋଧ ପ୍ରଦର୍ଶନ କରିଛୁ ଯେ, ପ୍ରଧାନମନ୍ତ୍ରୀ ଆମ ସହିତ ଆଲୋଚନା କରନ୍ତୁ। ପ୍ରଧାନମନ୍ତ୍ରୀ ବଡ଼ ବଡ଼ ଲୋକଙ୍କୁ ଡକାଉଛନ୍ତି ମାତ୍ର ଛାତ୍ରଙ୍କ ସହିତ ତାଙ୍କର ଅସନ୍ତୋଷ କଣ ପାଇଁ।

ପ୍ରଦର୍ଶନକାରୀ କହିଛନ୍ତି ଯେ, ପ୍ରଧାନମନ୍ତ୍ରୀ ନୋଟବନ୍ଦୀଠୁ ନେଇ ଏ ଯାଏ ଅନେକ ବୟାନ ଦେଇଛନ୍ତି,  ମାତ୍ର କାମ କରି ନାହାନ୍ତି। ପ୍ରଧାନମନ୍ତ୍ରୀ ୨୦୧୪ର ପ୍ରଧାନମନ୍ତ୍ରୀ ନୁହନ୍ତି ଏବଂ ଏବେ କାମ କରିବାର ସମୟ। ପ୍ରଧାନମନ୍ତ୍ରୀ ଯଦି ଚାହିଁବେ ତେବେ ସେ ନିଜ ବାସଭବନରେ ଛାତ୍ରଙ୍କ ସହ ବୈଠକ କରି ପାରିବେ। 

ଉଲ୍ଲେଖଯୋଗ୍ୟ, ଦେଶର ଅନେକ ଭାଗରେ ନାଗରିକତା ଆଇନ ଓ ଏନଆରସି ବିରୋଧରେ ପ୍ରଦର୍ଶନ ଜାରି ରହିଛି। ଗତ କିଛି ଦିନରେ ବିଶ୍ଵ ବିଦ୍ୟାଳୟ ଓ କଲେଜର ଅନେକ ଛାତ୍ର ଏହି ପ୍ରସଙ୍ଗରେ ସଡ଼କକୁ ଓହ୍ଲାଇ ସାରିଛନ୍ତି। ଦିଲ୍ଲୀ ସମେତ ଦେଶର ଅନେକ ରାଜ୍ୟରେ ହୋଇଥିବା ହିଂସାତ୍ମକ ପ୍ରଦର୍ଶନରେ ଅନେକ ଲୋକଙ୍କ ପ୍ରାଣହାନୀ ଘଟିଛି।

Subscribe

National International State Sports Entertainment