ନୂଆଦିଲ୍ଲୀ: ଟ୍ୱେଣ୍ଟି-ଟ୍ୱେଣ୍ଟି ବିଶ୍ୱ କପକୁ ଆଉ ମାତ୍ର ଏକ ମାସ ଥିବାବେଳେ ମ୍ୟାଚ୍ କେଉଁଠି ଅନୁଷ୍ଠିତ ହେବ ତାହା ସ୍ଥିର ହୋଇପାରୁ ନାହିଁ । ମଙ୍ଗଳବାର ବାଂଲାଦେଶ କ୍ରିକେଟ୍ ବୋର୍ଡ ଏବଂ ଅନ୍ତର୍ଜାତୀୟ କ୍ରିକେଟ୍ ପରିଷଦ ମଧ୍ୟରେ ଏକ ଭିଡିଓ କନଫରେନ୍ସିଂ କଲ୍ ମାଧ୍ୟମରେ ବିଶ୍ୱ କପ୍ ମ୍ୟାଚକୁ ନେଇ ହୋଇଥିବା ଆଲୋଚନା ଫଳପ୍ରଦ ହୋଇନାହିଁ । 

ବିସିବି ସମ୍ପ୍ରତି ରାଜନୈତିକ ବାତ୍ତାବରଣକୁ ଦୃଷ୍ଟିରେ ରଖି ଭାରତରେ ହେବାକୁ ଥିବା କିଛି ମ୍ୟାଚକୁ ଶ୍ରୀଲଙ୍କାରେ କରିବାକୁ ଦାବି କରିଛି । ଆଜିର ଆଲୋଚନାରେ ବିସବିକୁ ପ୍ରତିନିଧିତ୍ୱ କରୁଥିବା ସଭାପତି ମହମ୍ମଦ ଅମିନୁଲ ଇସଲାମ, ଉପାଧ୍ୟକ୍ଷ ମହମ୍ମଦ ଶେଖାୱତ ହୋସେନ ଏବଂ ଫାରୁକ ଅହମ୍ମଦ, କ୍ରିକେଟ୍ ଅପରେସନ୍ସ କମିଟିର ନିର୍ଦ୍ଦେଶକ ଏବଂ ଅଧ୍ୟକ୍ଷ ନଜମୁଲ ଆବେଦୀନ ଏବଂ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ନିଜାମ ଉଦ୍ଦିନ ଚୌଧୁରୀ ସେମାନଙ୍କର ଅଂଶ ଗ୍ରହଣ କରି ନିଜର ଦାବିକୁ ଦୋହରାଇଥିଲେ । ବିସିବି ଖେଳାଳୀଙ୍କ ସୁରକ୍ଷାକୁ ନେଇ ପ୍ରସଙ୍ଗ କରିଛି । 

ସେହିପରି ଜବାବରେ ଆଇସିସି କହିଛି ଯେ ଟୁର୍ଣ୍ଣାମେଣ୍ଟର ତାଲିକା ପୂର୍ବରୁ ଘୋଷଣା କରାଯାଇଛି ଏବଂ ବିସିବି ସେମାନଙ୍କର ନିଷ୍ପତ୍ତିକୁ ପୁନଃବିଚାର କରିବାକୁ ଅନୁରୋଧ କରିଛି। ତଥାପି ବିସିବି ତାର ଏକ ପ୍ରେସ ବିବୃତ୍ତିରେ ବାଂଲାଦେଶ ସେମାନଙ୍କର ମତରେ କୌଣସି ପରିବର୍ତ୍ତନ କରିନାହିଁ ଏବଂ ସେମାନଙ୍କର ଅନୁରୋଧ ସମ୍ପର୍କରେ ଆସିସି ସହିତ ଆଲୋଚନା ଜାରି ରଖିଥିବା କହିଛି । ତେବେ ଟୁର୍ଣ୍ଣାମେଣ୍ଟରୁ ବାଦ ଦେଲେ ବାଂଲାଦେଶ ଏକ ବଡ଼ ଆର୍ଥିକ କ୍ଷତିର ସାମ୍ନା କରିବା ବୋଲି କ୍ରୀଡ଼ା ବିଶେଷଜ୍ଞମାନେ ଆକଳନ କରିଛନ୍ତି । 

ଏହା ମଧ୍ୟ ଖବର ରହିଛି ଯେ ଭାରତ ସହିତ ବର୍ତ୍ତମାନର ରାଜନୈତିକ ଉତ୍ତେଜନା ମଧ୍ୟରେ ବାଂଲାଦେଶର କିଛି ଶ୍ରେଷ୍ଠ ଖେଳାଳି ସେମାନଙ୍କର ପ୍ରାୟୋଜକ ଚୁକ୍ତିନାମା ହରାଇବାକୁ ଯାଉଛନ୍ତି । କ୍ରିକେଟ୍ ଉପକରଣ ନିର୍ମାତା କମ୍ପାନୀ ଏସଜି ବାଂଲାଦେଶର ଶ୍ରେଷ୍ଠ ଖେଳାଳିଙ୍କ ସହିତ ନିଜର ଚୁକ୍ତିନାମା ନବୀକରଣକୁ ସ୍ଥଗିତ ରଖିଛି । ଆଉ ଭାରତୀୟ କ୍ରୀଡ଼ା ପୋଷାକ ବ୍ରାଣ୍ଡ, ସରିନ୍ ସ୍ପୋର୍ଟସ୍ ବାଂଲାଦେଶରେ ଏହାର ଉତ୍ପାଦ ତିଆରି ନକରିବା ପାଇଁ ନିଷ୍ପତ୍ତି ନେଇଥିବା ଜଣାପଡ଼ିଛି । ସରିନ୍ ସ୍ପୋର୍ଟସ୍ ଏକ ଭାରତୀୟ କମ୍ପାନୀ ଯାହା ବାଂଲାଦେଶରେ ଏହାର ସାମଗ୍ରୀ ତିଆରି କରେ, ସେ ଆଉ ଦେଶରୁ ସେବା ଯୋଗାଉନାହିଁ। ସରିନ୍ ସ୍ପୋର୍ଟସ୍ ଇଣ୍ଡଷ୍ଟ୍ରିଜ୍ ଗତ ବର୍ଷ ବାଂଲାଦେଶରେ ସମସ୍ୟା ଆରମ୍ଭ ହେବା ପରେ ଚାରି-ପାଞ୍ଚ ଶ୍ରେଷ୍ଠ ବାଂଲାଦେଶୀ କ୍ରିକେଟରଙ୍କ ପ୍ରାୟୋଜକ ଚୁକ୍ତିନାମାକୁ ବାତିଲ କରିଥିଲା। ତଥାପି, ଯଦି ଦୁଇ ଦେଶ ମଧ୍ୟରେ ସମ୍ପର୍କରେ ଉନ୍ନତି ହୁଏ ତେବେ ପରିସ୍ଥିତି ପରିବର୍ତ୍ତନ ହୋଇପାରେ ।