ନୂଆଦିଲ୍ଲୀ, ଜାନୁଆରୀ ୧୫(ଖବର ଓଡିଶା):
ଟେଷ୍ଟ ଅଧିନାୟକ ପଦ ଛାଡିଲେ ବିରାଟ କୋହଲି । ଏନେଇ ସେ ଟ୍ୱିଟ୍ କରି ସୂଚନା ଦେଇଛନ୍ତି । ଭାରତୀୟ ଦଳର ଟେଷ୍ଟ ଫର୍ମାଟ ଅଧିନାୟକ ପଦରୁ କୋହଲି ଇସ୍ତଫା ଦେଇଛନ୍ତି ।
ସାତ ବର୍ଷ ଧରି ଦଳର ସଫଳତା ପାଇଁ କାର୍ଯ୍ୟ କରିଥିବା ସେ ଟ୍ୱିଟ୍ରେ ଉଲ୍ଲେଖ କରିଛନ୍ତି । ଦୀର୍ଘ ପଥ ଯାତ୍ରାରେ ଉତ୍ଥାନ, ପତନ ଦେଇ ଗତି କରିଛି । କେବେ ବି ଉଦ୍ୟମ ଓ ବିଶ୍ୱାସରେ ଅବହେଳା କରିନାହିଁ । ସେହିପରି ଅଧିନାୟକ ଭାବେ ୧୨୦ ପ୍ରତିଶତ ଦେବା ପାଇଁ ଉଦ୍ୟମ କରିଛି ।
କେବେ ବି ଟିମ୍ର ସମ୍ମାନହାନୀ ହେବା ଭଳି କାମ କରିନି । ଦେଶର ନେତୃତ୍ୱ ନେବାକୁ ସୁଯୋଗ ଦେଇଥିବାରୁ ବିସିସିଆଇକୁ କୃତଜ୍ଞତା ଜଣାଇଛନ୍ତି । ଏହାସହିତ ସାଥି ଖେଳାଳିମାନଙ୍କୁ ମଧ୍ୟ ସହଯୋଗ ପାଇଁ ଧନ୍ୟବାଦ ଜଣାଇଛନ୍ତି ।
ରବି ଶାସ୍ତ୍ରୀ ଓ ଧୋନିଙ୍କୁ ପ୍ରଶଂସା କରିଛନ୍ତି ବିଟାର କୋହଲି । ତେବେ ପୂର୍ବରୁ ଟି ଟ୍ୱେଣ୍ଟିଂ, ଦିନିକିଆ ଅଧିନାୟକ ପଦ ବି ଛାଡିଥିଲେ କୋହଲି ।