ରାଜ୍ୟ ସ୍ତରୀୟ ଖେଲୋ ଇଣ୍ଡିଆ ଗେମ କ୍ରୀଡା ପ୍ରତିଭାମାନଙ୍କୁ ଖୋଜିବାରେ ସହାୟକ ହେବ- କିରେଣ ରିଜିଜୁ
Khabar Odisha:State-level-Play-India-game-to-help-recruit-sports-talent---Kiren-Rijiju
ନୂଆଦିଲ୍ଲୀ, ଅଗଷ୍ଟ ୦୪ (ଖବର ଓଡ଼ିଶା):

କ୍ରୀଡା ମନ୍ତ୍ରୀ କିରେନ ରିଜିଜୁ ରାଜ୍ୟମାନଙ୍କୁ ନେଇ ତୃଣମୂଳ ସ୍ତରରୁ କ୍ରୀଡା ପ୍ରତିଭା ଚିହ୍ନଟ ପାଇଁ ଖେଲୋ ଇଣ୍ଡିଆ ଗେମ୍ସର ଆୟୋଜନ କରିବାକୁ କହିଛନ୍ତି ।

 "ଖେଲୋ ଇଣ୍ଡିଆ ୟୁଥ୍ ଗେମ୍ସ ଏବଂ ୟୁନିଭରସିଟି ଗେମ୍ସ ପରି ଖେଲୋ ଇଣ୍ଡିଆ ସ୍କିମ୍ ଅଧୀନରେ ଜାତୀୟ ସ୍ତରରେ ଆୟୋଜିତ ହେଉଥିବା ବାର୍ଷିକ ପ୍ରତିଯୋଗିତା ସବୁ ରାଜ୍ୟରୁ କ୍ରୀଡ଼ା ପ୍ରତିଭା ଚିହ୍ନଟ କରିବାରେ ସହାୟକ ହୋଇଛି । ତଥାପି ତାହା ପର୍ଯ୍ୟାପ୍ତ ନୁହେଁ ବୋଲି ଖେଲୋ ଇଣ୍ଡିଆ ସ୍କିମର ପ୍ରଥମ ସାଧାରଣ ପରିଷଦ ବୌଠକରେ ରିଜିଜୁ କହିଛନ୍ତି । ଏହା ସହ ପୂର୍ବରୁ ଯେଉଁ ରାଜ୍ୟଗୁଡିକ ବାର୍ଷିକ କ୍ରୀଡା ପ୍ରତିଯୋଗିତା ଆୟୋଜନ କରୁଛନ୍ତି ସେମାନେ ଖେଲୋ ଇଣ୍ଡିଆ ସ୍କିମ୍ ସହିତ ଏହାକୁ ଆୟୋଜନ ହୋଇପାରିବେ ଏବଂ ଏହି କାର୍ଯ୍ୟକ୍ରମ ପରିଚାଳନାରେ କେନ୍ଦ୍ର ସେମାନଙ୍କୁ ସମର୍ଥନ କରିବ ବୋଲି କେନ୍ଦ୍ର କୀଡାମନ୍ତ୍ରୀ କହିଛନ୍ତି ।

 ରିଜିଜୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ କ୍ରୀଡ଼ା ସଚିବ ରବି ମିତାଲ, ମହାନିର୍ଦ୍ଦେଶକ, କ୍ରୀଡ଼ା ପ୍ରାଧିକରଣ ଅଫ୍ ଇଣ୍ଡିଆ ସନ୍ଦୀପ ପ୍ରଧାନ ଏବଂ କ୍ରୀଡ଼ା ମନ୍ତ୍ରଣାଳୟର ଅନ୍ୟ ବରିଷ୍ଠ ଅଧିକାରୀମାନେ ମଧ୍ୟ ଯୋଗ ଦେଇଥିଲେ ।

 "ଭାରତକୁ ଏକ କ୍ରୀଡା ସୁପର ପାୱାର୍ କରିବା ପାଇଁ ଆମକୁ ୫-୧୦ ବର୍ଷ ବୟସର ପ୍ରତିଭା ଚିହ୍ନଟ କରିବା ଏବଂ ଭବିଷ୍ୟତର ଚାମ୍ପିଅନ୍ ହେବା ପାଇଁ ସେମାନଙ୍କୁ ଭଲ ଭାବେ ବିକଶିତ କରିବା ଆବଶ୍ୟକ । ଅଲିମ୍ପିକ୍ସ ପାଇଁ ଜଣେ ଆଥଲେଟ୍‌ଙ୍କୁ ପ୍ରସ୍ତୁତ ପାଇଁ ଅତି କମରେ ୮ ବର୍ଷ ଲାଗେ, ଏବଂ ଯଦି ଆମେ ଏବେଠୁଁ ପ୍ରତିଭା ଚିହ୍ନଟ କରିବା ତେବେ ପରବର୍ତ୍ତୀ ପର୍ଯ୍ୟାୟରେ ଅଲମ୍ପିକ ପାଇଁ ସେମାନଙ୍କୁ ପ୍ରସ୍ତୁତ କରିପାରିବା । 

 ପୂର୍ବ, ପଶ୍ଚିମ, ଉତ୍ତର, ଦକ୍ଷିଣ ଏବଂ ଉତ୍ତର ପୂର୍ବ ଆଦି ପାଞ୍ଚଟି ଜୋନାଲ ହୋଇଛି ଏବଂ କ୍ରୀଡା ପ୍ରତିଭା ଅନୁସନ୍ଧାନ କରିବା ପ୍ରତ୍ୟେକ ଜୋନାଲରେ ଥିବା ସ୍କାଉଟିଙ୍ଗ କମିଟି ଉପରେ ଦାୟିତ୍ୱ ରହିଥିବା କ୍ରୀଡ଼ା ମନ୍ତ୍ରୀ ଗୁରୁତ୍ୱାରୋପ କରିଛନ୍ତି ।

 ରିଜିଜୁ କହିଛନ୍ତି, "ଚିହ୍ନଟ ହୋଇଥିବା ପ୍ରତିଭାକୁ ରାଜ୍ୟ ସରକାର କିମ୍ବା ସାଇ କେନ୍ଦ୍ରରେ ତାଲିମ ଦିଆଯାଇପାରିବ । ପ୍ରତିଭା ଚିହ୍ନଟ କରିବାରେ ରାଜ୍ୟ ସରକାରଙ୍କ ସହାଯ୍ୟ ଲୋଡିଛନ୍ତି କେନ୍ଦ୍ର କୀଡାମନ୍ତ୍ରୀ ରିଜିଜୁୁ ।

 ଖେଲୋ ଇଣ୍ଡିଆ ଷ୍ଟେଟ ସେଣ୍ଟର ଅଫ୍ ଏକ୍ସଲେନ୍ସ (କିସ୍‌) ପାଇଁ ସେମାନଙ୍କ ଶ୍ରେଷ୍ଠ କ୍ରୀଡା ଭିତ୍ତିଭୂମିକୁ ପ୍ରାଥମିକତା ଉପରେ ଚିହ୍ନଟ କରିବା ଆବଶ୍ୟକ ବୋଲି ମନ୍ତ୍ରୀ ଗୁରୁତ୍ୱାରୋପ କରିଛନ୍ତି । "ଆମେ ପୂର୍ବରୁ ୮ ଟି ରାଜ୍ୟ ଚିହ୍ନଟ କରିସାରିଛୁ ଯେଉଁଠାରେ କିସ୍ ପ୍ରତିଷ୍ଠା ହେବ । କ୍ରୀଡା ମନ୍ତ୍ରଣାଳୟ ମଧ୍ୟ ୧୩ ଟି ରାଜ୍ୟରୁ ପ୍ରସ୍ତାବ ଗ୍ରହଣ କରିଛି, ଯାହା ଚୂଡାନ୍ତ ହୋଇଛି ।

ସେ କହିଛନ୍ତି ଯେ ଦେଶର ବିଭିନ୍ନ ସ୍ଥାନରୁ ବରିଷ୍ଠ ଆଥଲେଟ୍ ମାନଙ୍କୁ କ୍ରୀଡ଼ା ଚୟନ ଏବଂ ସେମାନଙ୍କ ମଧ୍ୟରେ ଉତ୍କୃଷ୍ଟ ପ୍ରଶିକ୍ଷଣ ଦେବା ପାଇଁ ଅତ୍ୟାଧୁନିକ ଭିତ୍ତିଭୂମି ପାଇବା ପାଇଁ କିସ୍ ଏକ ଉତ୍ତମ ସୁଯୋଗ ଅଟେ । ଏଥିରେ ରାଜ୍ୟଗୁଡିକୁ ପାଣ୍ଠି ଯୋଗାଇବା ଏବଂ ସମର୍ଥନ କରିବାକୁ କେନ୍ଦ୍ର ପ୍ରସ୍ତୁତ ଅଛି, ତେଣୁ ମୁଁ ପ୍ରତ୍ୟେକ ରାଜ୍ୟକୁ ଅନୁରୋଧ କରୁଛି ଯେ ସେମାନେ କିସ୍ ପାଇଁ ଭିତ୍ତିଭୂମି ଚିହ୍ନଟ କରିବାକୁ ରିଜିଜୁ କହିଛନ୍ତି ।

  • Tags:

Subscribe

National International State Sports Entertainment