ଟୋକିଓ ଅଲିମ୍ପିକରେ ଭାରତ: ତୀରନ୍ଦାଜୀରେ ତରୁଣଜୀତ, ବ୍ୟାଡମିଣ୍ଟରେ ପିଭି ସିନ୍ଧୁ ଜତିଲେ, ହକିରେ ହାରିଲେ ମହିଳା ଟିମ୍‌
Khabar Odisha:Sports-Grate-britein-beat-India-by-4-1-goal-in-Tokyo-Olympic

ଟୋକିଓ, ଜୁଲାଇ ୨୮ (ଖବର ଓଡ଼ିଶା): ଜାପାନର ରାଜଧାନୀ ଟୋକିଓରେ ଅଲିମ୍ପିକ୍ସ-୨୦୨୦ ଜାରି ରହିଛି । ଆଜି ଷଷ୍ଠ ଦିନରେ ଭାରତୀୟ ଖେଳାଳିମାନେ ନିଜର ଅଭିଯାନ ଜାରି ରଖିଛନ୍ତି । ତୀରନ୍ଦାଜୀ ନେଇ ଭାରତୀୟ ମାନଙ୍କ ପାଇଁ ଖୁସି ଖବର ଆସିଛି । ତରୁଣଜୀତ ରାୟ ପୁରୁଷ ଅନ୍ତିମ ୩୨ ବର୍ଷ ମୁକାବିଲାରେ ୟୁକ୍ରେନର ହନବିନ ଓଲେସ୍କୀଙ୍କୁ ୬-୪ ସେଟରେ ପରାସ୍ତ କରିଛନ୍ତି । 

ବ୍ୟାଡମିଣ୍ଟନ ଷ୍ଟାର ପିଭି ସିନ୍ଧୁ ଟୋକିଓ ଅଲିମ୍ପିକର ଗ୍ରୁପ ମ୍ୟାଚରେ ଓହ୍ଲାଇଛନ୍ତି । ସେ ହଙ୍ଗକଙ୍ଗର ଚୀୟୁଗ ନାଗନ ୟି ଚେୟୁଙ୍ଗଙ୍କୁ ମୁକାବିଲା କରିଛନ୍ତି । ସିନ୍ଧୁ ପ୍ରଥମ ପର୍ଯ୍ୟାୟରେ ଆଗୁଆ (୨୧-୯) ରହିଥିଲେ । ଏହି ଖେଳ ୧୫ ମିନିଟ ଯାଏଁ ଚାଲିଥିଲା । ଦ୍ୱିତୀୟ ଖେଳରେ ମଧ୍ୟ ଭଲ ପ୍ରଦର୍ଶନ କରିଛନ୍ତି । ସିନ୍ଧୁ ନିଜର ପ୍ରତିଦ୍ୱନ୍ଦ୍ୱୀ ନାଗନଙ୍କୁ୨୧-୯, ୨୧-୧୬ରେ ପରାସ୍ତ କରିଛନ୍ତି ।

ଅନ୍ୟପଟରେ ଭାରତୀୟ ମହିଳା ହକି ଟିମ ବ୍ରିଟେନ ଠାରୁ ପରାସ୍ତ ହୋଇଛି । ଫଳରେ ଭାରତୀୟ ପ୍ରଶଂସକଙ୍କୁ ନିରାଶ ହେବାକୁ ପଡ଼ିଛି । ବ୍ରିଟେନ ଠାରୁ ଭାରତ ୪-୧ ଗୋଲରେ ପରାସ୍ତ ହୋଇଛି । ବ୍ରିଟେନ ୨, ୧୯, ୪୧ ଓ ୫୭ ମିନିଟରେ ଗୋଲ ଦେଇଥିଲା । ଭାରତ ପକ୍ଷରୁ ଦେବୀ ଏସ୍ ୭ ମିନିଟରେ ଗୋଲ ଦେଇଥିଲେ ।  

 

  • Tags:

Subscribe

National International State Sports Entertainment