ଭୁବନେଶ୍ୱର: ୱକଫ୍ ସଂଶୋଧନ ବିଲ ପାଇଁ ବିଜେଡ଼ି ଭାଗ ଭାଗ ହେଲା ବୋଲି ଯାହା ପ୍ରଚାର ପ୍ରସାର ହେଉଛି ଏସବୁ ଡ୍ରାମା । ୨୦୦୦ ମସିହାରୁ ବିଜୁ ଜନତା ଦଳ ସବୁବେଳେ ବିଜେପି ସହିତ ଅଛି । ବିଜେଡ଼ି କେବଳ ଭୟରେ ଏ ଖେଳ ଖେଳୁଛି ବୋଲି ବିସ୍ଫୋରକ ବୟାନ ଦେଇଛନ୍ତି କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି । 

ତାରା ଆଜି ଏକ ସାମ୍ବାଦିକ ସମ୍ମିଳନୀରେ ବିଜେଡ଼ିକୁ ଟାର୍ଗେଟ୍ କରିଛନ୍ତି । ଆଉ 2029ରେ ଭକ୍ତ ଦାସଙ୍କ ନେତୃତ୍ୱରେ ୱାନ୍ ସାଇଡ୍ ଭୋଟ ହେବ ବୋଲି ସେ ଦୃଢ଼ୋକ୍ତି କରିଛନ୍ତି । ସେ କହିଛନ୍ତି ମୁସଲିମ ଭୋଟ୍ ସବୁବେଳେ ବିଜେଡ଼ିକୁ ଯାଉଥିଲା । ମୁସଲିମଙ୍କୁ ନବୀନ ସବୁବେଳେ ପ୍ରତିଶ୍ରୁତି ଏବଂ ଆଶ୍ୱସନା ଦେଉଥିଲେ । କାହିଁକି ବିଜେଡ଼ି ଭାଗ ଭାଗ ହେଲା ବୋଲି ଯାହା ପ୍ରଚାର ପ୍ରସାର ହେଉଛି ଏସବୁ ଡ୍ରାମା । ବିଜେଡ଼ି ସବୁବେଳେ ବିଜେପି ସହିତ ରହିଛି, ଆଜି ଅଛି, ଗତକାଲି ଥିଲା ଓ ୨୦୦୦  ମସିହାରୁ ରହିଛି । ବିଲକୁ ବିରୋଧ କରିବାକୁ ଘୋଷଣା କରିଥିଲେ, ପୁଣି ରାତାରାତି ବଦଳି ଗଲେ । କିଛି ଭୋଟ୍ ଦେଲେ କିଛି ଭୋଟ୍ ଦେଲେନି । କେବଳ ବିଜେଡ଼ି ଭୟରେ ଏ ଖେଳ ଖେଳିଛି । କାରଣ ତାଙ୍କର ଖଣିରେ ହଜାର ହଜାର କୋଟି ଟଙ୍କାରେ କେଳେଙ୍କାରୀ ରହିଛି ବୋଲି କହିଛନ୍ତି ତାରା । ନବୀନଙ୍କର ବିଜେପି ପ୍ରତି ପ୍ରେମ ନୁହେଁ ବରଂ ଭୟ ରହିଛି । 

ତେବେ କଂଗ୍ରେସ ଭବିଷ୍ୟତ ନେଇ ମଧ୍ୟ ଦୃଢ଼ତାର ସହିତ କହିଛନ୍ତି । 2029ରେ ରାଜ୍ୟରେ କଂଗ୍ରେସ ନମ୍ବର ୱାନ୍ ବିକଳ୍ପ । ଦେଖନ୍ତୁ କେତେ ଲଢ଼େଇ ହେଉଛି । ଭକ୍ତ ଦାସଙ୍କ ନେତୃତ୍ୱରେ ୱାନ୍ ସାଇଡ୍ ଭୋଟ ହେବ । 

ବିଜୁ ଆଉ ପାଣ୍ଡିଆନ ଭାଗ ଭାଗ ହୋଇଯାଇଛନ୍ତି । ପାଣ୍ଡିଆନ ଘରେ ବସି ଗୋଟି ଚାଳନା କରୁଛନ୍ତି । ତାରା ନବୀନଙ୍କର ସୁସ୍ଥ ଜୀବନ କାମନା କରିଥିବାବେଳେ ବିଜୁ ଜନତା ଦଳର ଆଉ ଆୟୁଷ ବେଶି ଦିନ ନାହିଁ  ବୋଲି କହିଛନ୍ତି ।