ବିହାରରେ ସମ୍ରାଟ ଚୌଧୁରୀ ସରକାରଙ୍କ କ୍ୟାବିନେଟ୍ର ଆଜି ଗୁରୁବାର ସମ୍ପ୍ରସାରଣ କରାଯାଇଛି। ସମ୍ରାଟଙ୍କ କ୍ୟାବିନେଟ୍ରେ ସମ୍ପ୍ରସାରଣ ସହ ଜାତିଭିତ୍ତିକ ସମୀକରଣ ପ୍ରତି ମଧ୍ୟ ଧ୍ୟାନ ଦିଆଯାଇଛି। ଏହି କ୍ୟାବିନେଟ୍ରେ ସମସ୍ତ ବର୍ଗର ଲୋକଙ୍କୁ ସ୍ଥାନ ମିଳିଛି। ମୁଖ୍ୟମନ୍ତ୍ରୀଙ୍କୁ ମିଶାଇ ୮ ଜଣ ମନ୍ତ୍ରୀ ଓବିସି (OBC) ସମାଜରୁ ହୋଇଥିବା ବେଳେ ସବର୍ଣ୍ଣ ବର୍ଗର ୯ ଜଣଙ୍କୁ ମନ୍ତ୍ରିମଣ୍ଡଳରେ ରଖାଯାଇଛି। ସଂଖ୍ୟାଲଘୁ ସମାଜରୁ କେବଳ ଜମା ଖାନଙ୍କୁ ମନ୍ତ୍ରୀ କରାଯାଇଛି।

ଶପଥ ଗ୍ରହଣ ପୂର୍ବରୁ ଜେଡିୟୁ (JDU) ଅଧ୍ୟକ୍ଷ ତଥା ପୂର୍ବତନ ମୁଖ୍ୟମନ୍ତ୍ରୀ ନୀତିଶ କୁମାର ନିଜ ପୁଅ ନିଶାନ୍ତ କୁମାରଙ୍କୁ ସମ୍ରାଟ ଚୌଧୁରୀଙ୍କ ନେତୃତ୍ୱାଧୀନ ସରକାରରେ ସାମିଲ ହେବାକୁ ସମ୍ମତି ଦେଇଥିଲେ। ନିଶାନ୍ତ ପ୍ରାୟ ୨ ମାସ ପୂର୍ବେ ଜେଡିୟୁର ସଦସ୍ୟତା ଗ୍ରହଣ କରିଥିଲେ। ସମ୍ରାଟ କ୍ୟାବିନେଟ୍ ସମ୍ପ୍ରସାରଣ ସମୟରେ ବିଜେପି କୋଟାରୁ ଅନେକ ପୁରୁଣା ମନ୍ତ୍ରୀଙ୍କୁ ବାଦ୍ ଦିଆଯାଇଛି, ଯେଉଁଥିରେ ମଙ୍ଗଳ ପାଣ୍ଡେଙ୍କ ନାମ ମୁଖ୍ୟ। ଅନ୍ୟପଟେ ଶପଥ ନେବା ପରେ ନିଶାନ୍ତ କୁମାର ମଞ୍ଚ ଉପରେ ପିତା ନୀତିଶ କୁମାରଙ୍କ ପାଦ ଛୁଇଁ ଆଶୀର୍ବାଦ ନେଇଥିଲେ।

ମନ୍ତ୍ରୀମାନଙ୍କର ତାଲିକା:

ପାର୍ଟି                                     ମନ୍ତ୍ରୀ                                           ଜାତି

BJP                                    CM ସମ୍ରାଟ ଚୌଧୁରୀ                         କୋଇରୀ (OBC)

JDU                                  DyCM ବିଜୟ ଚୌଧୁରୀ                   ଭୂମିହାର

JDU                                  DyCM ବିଜୟେନ୍ଦ୍ର ଯାଦବ                   ଓବିସି (OBC)

BJP                                     ରାମକୃପାଳ ଯାଦବ                         ଓବିସି (OBC)

BJP                                     କେଦାର ଗୁପ୍ତା                                  ଇବିସି (EBC)

BJP                                      ନୀତିଶ ମିଶ୍ର                                  ବ୍ରାହ୍ମଣ

BJP                                    ମିଥିଳେଶ ତିୱାରୀ                          ବ୍ରାହ୍ମଣ

BJP                                      ରମା ନିଷାଦ                                  ମଲ୍ଲହ

BJP                                   ବିଜୟ କୁମାର ସିହ୍ନା                         ଭୂମିହାର

BJP                                    ଦିଲ୍ଲୀପ ଜୈସୱାଲ                        ଇବିସି (EBC)

BJP                                    ପ୍ରମୋଦ ଚନ୍ଦ୍ରବଂଶୀ                        ଇବିସି (EBC)

BJP                                     ଲଖେନ୍ଦ୍ର ପାସୱାନ                            ଦଳିତ

BJP                                       ସଞ୍ଜୟ ଟାଇଗର                          ରାଜପୁତ

BJP                                 ଇଞ୍ଜିନିୟର କୁମାର ଶୈଳେନ୍ଦ୍ର                 ଭୂମିହାର

BJP                                      ନନ୍ଦକିଶୋର ରାମ                           ଦଳିତ

BJP                                       ରାମଚନ୍ଦ୍ର ପ୍ରସାଦ                    ଓବିସି (OBC)

BJP                                      ଅରୁଣ ଶଙ୍କର ପ୍ରସାଦ ଇବିସି                  (EBC)

BJP                                             ଶ୍ରେୟସୀ ସିଂ                  ରାଜପୁତ

ବିହାରରେ ଭାରତୀୟ ଜନତା ପାର୍ଟିର ନେତୃତ୍ୱାଧୀନ ସମ୍ରାଟ ସରକାରରେ ୨ ଜଣ ଉପ-ମୁଖ୍ୟମନ୍ତ୍ରୀ ଅଛନ୍ତି। ଉପ-ମୁଖ୍ୟମନ୍ତ୍ରୀ ବିଜୟ ଚୌଧୁରୀ ଭୂମିହାର ଜାତିର ହୋଇଥିବା ବେଳେ ବିଜୟେନ୍ଦ୍ର ଯାଦବ ଓବିସି (OBC) ବର୍ଗର। ମୁଖ୍ୟମନ୍ତ୍ରୀ ସମ୍ରାଟ ଚୌଧୁରୀ ନିଜେ କୋଇରୀ (OBC) ସମାଜରୁ ଆସିଛନ୍ତି।

ଆଜିର ମନ୍ତ୍ରିମଣ୍ଡଳ ସମ୍ପ୍ରସାରଣରେ ବିଜେପିରୁ ୧୫ ଜଣ ମନ୍ତ୍ରୀ ପଦର ଶପଥ ନେଇଛନ୍ତି। ଜେଡିୟୁ (JDU) ରୁ ୧୨ ଜଣ ନେତାଙ୍କୁ ସୁଯୋଗ ମିଳିଛି। ଏହାବ୍ୟତୀତ ଚିରାଗ ପାସୱାନଙ୍କ ପାର୍ଟି ଲୋକ ଜନଶକ୍ତି ପାର୍ଟି (ରାମବିଳାସ ପାସୱାନ) ରୁ ୨ ଜଣ, ଜିତନ ରାମ ମାଞ୍ଝୀଙ୍କ ହାମ୍ (HAM) ପାର୍ଟିରୁ ଏବଂ ଆରଏଲ୍ଏମ୍ (RLM) ରୁ ଦୀପକ ପ୍ରକାଶଙ୍କୁ ମନ୍ତ୍ରୀ କରାଯାଇଛି।