ଜଗତସିଂହପୁର : ସୋମବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପାରାଦ୍ୱୀପ ଗସ୍ତ କାର୍ଯ୍ୟକ୍ରମକୁ ନେଇ ଜଗତସିଂହପୁର ଜିଲ୍ଲା ବିଜେପି କର୍ମକର୍ତ୍ତା ଓ କର୍ମୀଙ୍କ ମହଲରେ ଉତ୍ସାହ ପ୍ରକାଶ ପାଇଛି । ଏହି ଗସ୍ତ ସମୟରେ କଟକ ପାରାଦ୍ୱୀପ ରାସ୍ତାର ବିଭିନ୍ନ ସ୍ଥାନରେ କେନ୍ଦ୍ର ମନ୍ତ୍ରୀଙ୍କୁ ସମ୍ବର୍ଦ୍ଧନା ଦିଆଯାଇଛି । ନିର୍ବାଚନ ପରେ କେନ୍ଦ୍ରମନ୍ତ୍ରୀଙ୍କ ପ୍ରଥମ ଗ୍ରସ୍ତକୁ ନେଇ ବେଶ ଉତ୍ସାହ ରହିଥିବା ବେଳେ ବିପୁଳ ସମ୍ବର୍ଦ୍ଧନା ପ୍ରଦାନ କରାଯାଇଥିଲା ।

ଆୟୋଜିତ ସମ୍ବର୍ଦ୍ଧନା ସଭାରେ ରଘୁନାଥପୁର ଜଗତସିଂହପୁର ବିଧାୟକ ଅମରେନ୍ଦ୍ର ଦାସ,ଜିଲ୍ଲା ବିଜେପି ସଭାପତି ସତ୍ୟବ୍ରତ ମହାପାତ୍ର, ବିଜେପି ନେତା ରାଜ କିଶୋର ବେହେରା,ଅଶୋକ ମହାରଣା,ସରୋଜକାନ୍ତ ସ୍ବାଇଁ ପ୍ରମୁଖ ଉପସ୍ଥିତ ରହି କେନ୍ଦ୍ରମନ୍ତ୍ରୀଙ୍କୁ ସମ୍ବର୍ଦ୍ଧିତ କରିଥିଲେ । କେନ୍ଦ୍ରମନ୍ତ୍ରୀଙ୍କ ଏହି ପାରାଦ୍ୱୀପ ଗସ୍ତରେ  ଜୟଦେବ ସଦନ ଠାରେ କର୍ମକର୍ତ୍ତା ସମ୍ମିଳନୀ ସହିତ ପାରାଦ୍ୱୀପ ସ୍ଥିତ ପ୍ଲାଷ୍ଟିକ ପାର୍କ ଠାରେ ପ୍ଲାଷ୍ଟିକ ବ୍ୟାଗ ମାନ୍ୟୁଫ୍ୟାକଚରିଙ୍ଗ ପ୍ଲାଣ୍ଟ ୟୁନିଟର ଶୁଭ ଉଦଘାଟନ କରିବାର କାର୍ଯ୍ୟକ୍ରମ ରହିଛି । ଏହି କାର୍ଯ୍ୟକ୍ରମରେ ପାରାଦ୍ୱୀପ ବିଧାୟକ ତଥା ଶିଳ୍ପ ମନ୍ତ୍ରୀ ସମ୍ପଦ ସ୍ବାଇଁ, ସାଂସଦ ବିଭୁ ପ୍ରସାଦ ତରାଇ ଓ ଅନ୍ୟ ନେତୃବୃନ୍ଦ କେନ୍ଦ୍ର ମନ୍ତ୍ରୀଙ୍କ ସହିତ ଉପସ୍ଥିତ ରହିବେ।