ନୂଆଦିଲ୍ଲୀ: ବିଶିଷ୍ଟ କଥା ବାଚକ ତଥା କବି କୁମାର ବିଶ୍ୱାସଙ୍କ ଏକ ପ୍ରବଚନକୁ ନେଇ ରାଗି ଯାଇଛନ୍ତି କଂଗ୍ରେସ ନେତ୍ରୀ । କୁମାର ବିଶ୍ୱାସ ଏକ ପ୍ରବଚନରେ କହିଛନ୍ତି କି ନିଜ ପିଲାଙ୍କୁ ରାମାୟଣ ଶୁଣାନ୍ତୁ ନ ହେଲେ ଆପଣଙ୍କ ଘରର ନାମ ରାମାୟଣ ଥିବ ଏବଂ ଘରର ଲକ୍ଷ୍ମୀଙ୍କୁ ଆଉ କେହି ଉଠାଇକି ନେଇଯିବ । ଏହାର ଏକ ଭିଡ଼ିଓ ଭାଇରାଲ ହେବା ପରେ କଂଗ୍ରେସ ନେତ୍ରୀ ସୁପ୍ରିୟା ଶ୍ରୀନେତ ତାଙ୍କୁ କଡ଼ା ସମାଲୋଚନା କରିଛନ୍ତି । 

ସୁପ୍ରିୟା ଶ୍ରୀନେତ କହିଛନ୍ତି, କୁମାର ବିଶ୍ୱାସଙ୍କ ଏପରି ବୟାନ ସିଧାସଳଖ ଅଭିନେତ୍ରୀ ସୋନାକ୍ଷୀ ସିହ୍ନାଙ୍କ ଉପରେ ନିର୍ଦ୍ଦେଶ କରୁଛି । ଯଦି ଆପଣଙ୍କ ଘରେ ଗୋଟିଏ ଝିଅ ଅଛି ଆପଣ କଣ କାହାର ବି ଝିଅଙ୍କ ଉପରେ ଅପରି ଟିପ୍ପଣୀ ଦେବେ ଏବଂ ଶସ୍ତା ତାଳି ସାଉଁଟିବେ । ଏହା କରିବା ଦ୍ୱାରା ଆପଣ କେତେ ତଳକୁ ଖସି ଯାଇଛନ୍ତି ତାହା ଜଣାପଡ଼ିଯାଉଛି । 

ସେ ଆହୁକି କହିଛନ୍ତି, ସୋନାକ୍ଷୀ ସିହ୍ନାଙ୍କ ଆନ୍ତଧର୍ମ ବିବାହ ଉପରେ ଦେଇଥିବା ଟିପ୍ପଣୀ, ମହିଳାମାନଙ୍କ ଉପରେ ଆପଣଙ୍କର ଥିବା ଚିନ୍ତାଧାରାକୁ ଦର୍ଶାଉଛି । ଆପଣ ଦେଇଥିବା ମନ୍ତବ୍ୟ “ଆପଣଙ୍କ ଘରର ଲକ୍ଷ୍ମୀଙ୍କୁ ଆଉ କେହି ନେଇଯିବ”, ଝିଅମାନେ କଣ କୌଣସି ଜିନିଷ, ଯାହାକୁ କେହି ଉଠାଇ ନେଇଯିବେ ବୋଲି ପ୍ରଶ୍ନ କରିଛନ୍ତି ସୁପ୍ରିୟା । ସେ କୁମାର ବିଶ୍ୱାସଙ୍କ ଉପରେ ଏମିତି ଅନେକ ଆରୋପ ଲଗାଇଛି । 

ଏଠାରେ ଉଲ୍ଲେଖ ଯୋଗ୍ୟ, ଅଭିନେତା ଶତ୍ରୁଘ୍ନ ସିହ୍ନାଙ୍କ ଝିଅ ସୋନାକ୍ଷୀ ସିହ୍ନା ନିକଟରେ ଜହୀରଙ୍କୁ ବିବାହ କରିଛନ୍ତି । ଶତ୍ରୁଘ୍ନ ସିହ୍ନାଙ୍କ ଘରର ନାମ ରାମାୟଣ ରଖାଯାଇଛି । ଏହା ସହିତ ଦୁଇ ପୁତ୍ରଙ୍କ ନାମ ଲବ୍ ଏବଂ କୁଶ୍ । ସେହିପରି ତାଙ୍କ ପରିବାର ଅନେକ ସଦସ୍ୟଙ୍କ ନାମ ପୌରାଣିକ ଆଧାରିତ ନାମ ଅଟେ ।