ଭୁବନେଶ୍ୱର : ନୂଆବର୍ଷରେ ପିସିସିର ନୂଆ ସଭାପତି ଚୟନ ହେବ । ଏନେଇ ଗଣମାଧ୍ୟମ ଆଗରେ ପ୍ରକାଶ କରିଛନ୍ତି ବରିଷ୍ଠ କଂଗ୍ରେସ ନେତା ମହମ୍ମଦ ମୋକିମ । କଂଗ୍ରେସ ପିସିସି ସଭାପତି ଚୟନ ନେଇ କଳ୍ପନାଜଳ୍ପନା ଲାଗି ରହିଥିବା ବେଳେ ମୋକିମଙ୍କ  ଏକ ବଡ଼ ବୟାନ ଦେଇଛନ୍ତି । ନୂଆବର୍ଷରେ ନୂଆ ପିସିସି ସଭାପତି ଚୟନ ହେବ ବୋଲି ମୋକିମ କହିଛନ୍ତି ।

ସେ କହିଛନ୍ତି କୋରାପୁଟରୁ ପୁରୀ ପର୍ଯ୍ୟନ୍ତ ଯେଉଁ ନେତାଙ୍କୁ ଲୋକ ଭଲ ପାଉଥିବେ ସେ ପିସିସିର ମଙ୍ଗ ଧରିବେ । ଏକଥା ମଧ୍ୟ କହିଛନ୍ତି ଏଆଇସିସି ର  ପର୍ଯ୍ୟବେକ୍ଷକ ଆସି ପୁରା ତର୍ଜମା କରି ଫେରିବା ସହ ଏଆଇସିସି ର କର୍ମକର୍ତ୍ତା ଲଗାତାର ଓଡିଶା ଉପରେ ନଜର ରଖିଛନ୍ତି । ଅନ୍ୟପକ୍ଷେ ସଭାପତି ଚୟନ ନେଇ ତାରାଙ୍କ ମନ୍ତବ୍ୟକୁ ମୋକିମ କଟାକ୍ଷ କରି କହିଛନ୍ତି ତାରା ବାବୁ ଜଣେ ଅଭିଜ୍ଞ ଓ ବରିଷ୍ଠ ବିଧାୟକ। ସେ ଦିଲ୍ଲୀ ଯାଆନ୍ତି, ଜାଣିଥିବେ କାହାର କାଟତି କାମ କରେ।