ଉତ୍ତର ପ୍ରଦେଶ: ୪୦ ଦିନ ଭିତରେ ୫୫ ଲକ୍ଷ ଚାଷୀଙ୍କ ନିକଟକୁ ପହଞ୍ଚିବ କଂଗ୍ରେସ
Khabar Odisha:Politics-Congress-Congress-to-reach-55-lakhs-farmers-in-next-40-days-in-Uttar-Pradesh

ମେରଠ, ଫେବୃଆରୀ ୦୯ (ଖବର ଓଡ଼ିଶା): ଉତ୍ତର ପ୍ରଦେଶରେ ଦୁର୍ବଳ ଥବା କଂଗ୍ରେସ ଚାଷୀଙ୍କ ସହିତ ସଂପର୍କ ଯୋଡ଼ିବା ପାଇଁ ଉଦ୍ୟମ ଆରମ୍ଭ କରିଛି । ଚାଷୀଙ୍କ ସହିତ କଂଗ୍ରେସ ଶ୍ଲୋଗାନ ଦେଇ ଶନିବାର ଦଳର ୨୫ ହଜାର କର୍ମକର୍ତ୍ତା ପଡ଼ିଆକୁ ଓହ୍ଲାଇଛନ୍ତି । ଏମାନେ ୪୦ ଦିନ ଯାଏଁ ରାଜ୍ୟର ୫୫ ଲକ୍ଷ ଚାଷୀଙ୍କ ନିକଟକୁ ପହଞ୍ଚିବେ । ଏହା ସହିତ କଂଗ୍ରେସ ନେତାମାନେ ରାଜ୍ୟ ସରକାରଙ୍କ ବିରୋଧରେ ଶ୍ଲୋଗାନ ଦେବାକୁ ମଧ୍ୟ ଯୋଜନା ପ୍ରସ୍ତୁତ କରିଛନ୍ତି । 

ଉତ୍ତର ପ୍ରଦେଶ କଂଗ୍ରେସ ମୁଖପାତ୍ର ସିଦ୍ଧାର୍ଥପ୍ରିୟ ଶ୍ରୀବାସ୍ତବଙ୍କ ତରଫରୁ ପଶ୍ଚିମ ଉତ୍ତର ପ୍ରଦେଶର ସମସ୍ତ ଜିଲ୍ଲାର ମୁଖ୍ୟ କଂଗ୍ରେସର ଜନଜାଗରଣ ଅଭିଯାନ ପରିଚାଳନା କରିବାକୁ ପତ୍ର ପଠାଯାଇଛି । ଶନିବାର ପ୍ରତ୍ୟେକ ଜିଲ୍ଲାରେ ବରିଷ୍ଠ କଂଗ୍ରେସର ପୂର୍ବତନ ମନ୍ତ୍ରୀ, ସାଂସଦ, ବିଧାୟକ ସାମ୍ବାଦିକ ସମ୍ମିଳନୀରେ ଅଭିଯାନର ବିଧିବଦ୍ଧ ଘୋଷଣା କରିଛନ୍ତି ।

ରଣନୀତି ଅନୁସାରେ କଂଗ୍ରେସ ଉତ୍ତର ପ୍ରଦେଶରେ ୫ଟି ପର୍ଯ୍ୟାୟରେ ୪୦ ଦିନ ଯାଏଁ କିଷାନ ଜନ ଜାଗରଣ ଅଭିଯାନ ଜାରି ରଖିବ । ପ୍ରତ୍ୟେକ ଦିନ ବ୍ଲକରେ ୩୦୦ ଚାଷୀ ପରିବାରଙ୍କୁ ଭେଟି ଦାବି ପତ୍ର ପୂରଣ କରିବ । ଏଥି ପାଇଁ ଫେବୃଆରୀ ୯ରେ ଅତି କମରେ ୨୫ କର୍ମକର୍ତ୍ତା ବୈଠକ କରି ପୀଡ଼ିତ ଚାଷୀଙ୍କ ପାଖକୁ ଯାଇ ଦାବି ପତ୍ର ପୂରଣ କରାଇବେ । ଏହି କାମ ଫେବୃଆରୀ ୧୬ ଯାଏଁ ଚାଲିବ । ଏହି ଅଭିଯାନ ମାଧ୍ୟମରେ କଂଗ୍ରେସ ଉତ୍ତର ପ୍ରଦେଶର ୨ କୋଟି ୭୧ ଲକ୍ଷ ୨୬ ହଜାର ଲୋକଙ୍କ ନିକଟକୁ ପହଞ୍ଚିବାକୁ ଲକ୍ଷ୍ୟ ରଖିଛି । 

 

  • Tags:

Subscribe

National International State Sports Entertainment