କଂଗ୍ରେସର ପ୍ରତିଷ୍ଠା ଦିବସ ଆଜି; ବିଦେଶ ଗସ୍ତରେ ଅଛନ୍ତି ରାହୁଲ ଗାନ୍ଧୀ, ରହିବେ ଅନୁପସ୍ଥିତ
Khabar Odisha:Congress-Rahul-Gandhi-on-personal-trip-abroad-will-be-absent-for-partys-Foundation-Day

ନୂଆଦିଲ୍ଲୀ, ଡିସେମ୍ବର ୨୮ (ଖବର ଓଡ଼ିଶା): କଂଗ୍ରେସ ନେତା ତଥା ୟେନାଡରୁ ସାଂସଦ ରାହୁଲ ଗାନ୍ଧୀ ପାର୍ଟି ୧୩୬ତମ ପ୍ରତିଷ୍ଠା ଦିବସ (ଡିସେମ୍ବର ୨୮)ରେ ଉପସ୍ଥିତ ରହିପାରିବେ ନାହିଁ । ସେ ଏବେ ବିଦେଶ ଗସ୍ତରେ ଥିବା ନେଇ ଦଳୀୟ ସୂତ୍ରରୁ ଗଣମାଧ୍ୟମକୁ ଖବର ମିଳିଛି । କଂଗ୍ରେସ ସାଧାରଣ ସଂପାଦକ ଏକଂ ମିଡିଆ ପ୍ରଭାରୀ ରଣଦୀପ ସୁରଜେୱାଲା ଗଣମାଧ୍ୟମର ପ୍ରତିନିଧିଙ୍କୁ କହିଛନ୍ତି ରାହୁଲ ଗାନ୍ଧୀ ନିକଟରେ ବ୍ୟକ୍ତିଗତ ଗସ୍ତରେ ବାହାରକୁ ଯାଇଛନ୍ତି । 

ସୂତ୍ର ଅନୁସାରେ ରାହୁଲ ଗାନ୍ଧୀ ରବିବାର ସକାଳୁ ଦେଶରୁ ବାହାରକୁ ଯାଇଛନ୍ତି ଏବଂ ସେ କିଛି ଦିନ ପାଇଁ ବାହାରେ ରହିବେ । ଚାଷୀ ଆନ୍ଦୋଳନ ନେଇ ରାହୁଲ ଗାନ୍ଧୀ ଗତ ୧୭ ତାରିଖରେ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଭେଟିଥିଲେ । ଏଥି ସହିତ ସେଦିନ ସେ ୨ କୋଟି ହସ୍ତାକ୍ଷର ଥିବା ଏକ ସ୍ମାରକ ପତ୍ର ଦେଇଥିଲେ । କଂଗ୍ରେସ ସାଂସଦ ରାହୁଲ ନିକଟରେ ଶେଷ ହୋଇଥିବା କେରଳର ସ୍ଥାନୀୟ ନିର୍ବାଚନରେ ଦଳର ପ୍ରଦର୍ଶନ ନେଇ ପ୍ରଦେଶ କଂଗ୍ରେସ କମିଟିର ନେତାଙ୍କୁ ମଧ୍ୟ ଭେଟି ନଥିଲେ ଅଥବା ସମୀକ୍ଷା କରି ନଥିଲେ ।  

 

  • Tags:

Subscribe

National International State Sports Entertainment